د تهران په محکمو کښې د بلواګرو په تورونو غور پیل شو
د بلواؤ په جوړولو باندې د تورنو کسانو د ډله ایزې محکمې وړومبۍ غونډه د تهران په عمومي او د انقلاب په محکمو کښې ترسره شوه
د ایران د قضائیه قوې د مشر غلامحسین محسني اژه اي په حکم په تیره یوه میاشت کښې د وروستیو بلواؤ د تورنو کسانو د دوسیې له صادریدو وروسته په دغو دوسیو د غور لپاره د محکمې غونډې پیل شوې دي.
په دې لړ کښې د یوشمیر تورنو کسانو په اړه غونډه پرون د تهران په انقلاب او عمومي محکمه کښې ترسره شوه.
هم داشان د ایران په مختلفو ولایتونو کښې هم د موجودو مستنداتو له مخې په بلواؤ کښې د نیولو شویو کسانو په اړه د ولایتي محکمو غونډې په پیلیدو دي.
د ویلو ده چې امریکا او د سپينې ماڼۍ ملاتړي اروپايي حکومتونه او دښمن فارسي ژبي چینلونه د ایران د اسلامي جمهوري نظام د خرابولو لپاره له هیڅ کوششه ډډه نه کوي او د یوې کُرد ایراني جینۍ د مړینې په پلمه یې په ایران کښې په وروستیو بلواؤ کښې د ایران د اسلامي جمهوري نظام خلاف پراخ یرغل پيل کړ.
