د خپلواکه هیوادونو ملګرتیا امریکا ته تر ټولو پریکنده ځواب دی
زمونږ خبریال وايي د اسلامي ایران ولسمشر ابراهیم رئیسي د روسیې د ملي امنیت د شورا له سیکرټر سره په کتنه کښې ټینګار وکړ: د خپلواکه هیوادونو ملګرتیا د امریکا د بې ثباتۍ رامینځته کونکي سټراټيژۍ ته تر ټولو پریکنده ځواب دی.
د ایران ولسمشر ابراهیم رئیسي د روسیې د ملي امنیت د شورا له سیکرټر نیکلای پاتروشیف سره په کتنه کښې د دواړو هیوادونو د اقتصادي او د سټراټيژیکو ملګرتیاو په پراختیا ټینګار وکړ او وویل شو چې د سیمه ییزو ملګرتیاو پیاوړي کول د ثبات او د سولې د رامینځته کولو ترټولو ښه لاره ده.
ولسمشر په دې خبرې سره چې د ایران د اسلامي جمهوریت اصولي سیاست له جنګ سره مخالفت دی وویل د جنګ د لمن او د سویې پراخیدل د ټولو هیوادونو د اندیښنې سبب دي.
د روسیې د ملي امنیت د شورا سیکرټر نیکلای پاتروشیف هم د سیمه ییزو موسسو او د ټولنو په چوکاټ کښې د ایران له اسلامي جمهوریت سره د اړیکو د پراخولو په هکله د هیلې په څرګندولو سره وویل د څو قطبي نړۍ رامینځته کول د نړۍ د ټولو هیوادونو د ګټو په لړ کښې ده.
