ترکیې ته د ایران درمل او مرستې استول شوي دي
ایرنا خبري اژانس راپور راکړی د ایران د اسلامي جمهوریت د درملنې او د مرستې رسولو لومړنۍ ډله د ترکیې له زلزله ځپلیو سره له بشر دوستانه مرستو سره یوځاې له تبریز څخه ترکیې ته روانه شوي ده.
د ایران د تبریز د شهید فکوري هوايي اډې قومندان برید جنرال یوسفي وویل چې پرون د ایران د بیړنۍ درملنې او د ژغورنې او د مرستې پنځوس کسان له لومړنیو مرستو او د روغتون له تجهیزاتو سره یوځاې ترکیې ته روان شول.
هغه وویل د ایران له دغه کاروان سره دغه راز اته زره ټنه درمل، لومړنۍ مرستې او نور سامانونه د ترکیې زلزله ځپلیو سیمو ته واستول شول.
په عین حال کښې د اسلامي ایران ولسمشر ابراهیم رئیسي پرون د ترکیې له ولسمشر رجب طیب اردوغان سره په ټیلي فوني خبرو کښې له زلزلې وروسته د ترکیې له ملت او حکومت سره د خواخوږۍ د اعلانولو په ترڅ کښې د ترکیې د شیانو د ضرورتونو په سمدستي ډول د پوره کولو لپاره د ایران چمتووالی اعلان کړ.