د ایران ولسمشر سوریې ته ورسېده

د ایران د اسلامي جمهوریت ولسمشر او ورسره پلاوی د سوریې پلازمینې دمشق ته ورسېده او د سوریې د چارواکو له رسمي هرکلی سره مخامخ شو.

د ایران ولسمشر سید ابراهیم رئیسی د خپل سوری سیال بشار اسد په رسمې بلنې سره، دمشق ته په سفر تللی دی.

رئیسي او ورسره پلاوي به د سوریې له چارواکو سره، د سیاسي اړیکو د پیاوړتیا، د همکاریو د ودې، اقتصادي ملګرتیا او سوداګریزو مسایلو په هکله خبرې اترې وکړي.

ټاکل شوې ده چي د ایران ولسشمر له خپل سیال سره له ملاقات وروسته، په سوریې کې د ایراني او سوري سوداګرو سره هم غونډه وکړي.