د ایران له لورې په بورکینافاسو کې د ترهګریز برید غندنه
د ایران د اسلامي جمهوریت د بهرنیو چارو وزیر ناصر کنعانی په بورکینافاسو کې په فوځیانو باندې د ترهګرو د برید غندنه کړې ده.
د ایران د خارجه وزارت ویاند د بورکینافاسو له ولس او دولت سره د خواخوږی په څرګندولو سره هیله څرګنده کړه چي له ټروریزم او افراط پالنې سره په جدي مبارزې سره، د نړۍ په ګوټ ګوټ کې منجمله په لوېدیځه افریقا کې امنیت او ثبات برقراره شي.
د بورکینافاسو د فوځ لوی درستیز څو ورځې مخکې اعلان وکړ چي د دې هیواد په شمال کې د ترهګرو په برید کې ۱۷ تنه فوځیان او ۳۶ تنه قراردادیان وژل شوي دي.
د دې برید مسئولیت د القاعدې ترهګرې ډلې په غاره اخیستې ده.
له ۲۰۱۵ میلادي کال را په دې خوا بورکینافاسو، نیجر او مالې هیوادونو د القاعدې او داعش د ترهګرو ډلو د عناصرو له بریدونو سره مخامخ شوي دي چي د امله یې په زرګونو کسانو ته مرګژوبله اوښتې او دوه میلیون کسان هم بې کوره شوي دي.
