ایران په نړیواله محکمه کښې د صهیونیسټ رژیم د محاکمې ملاتړ وکړ
د ایران د اسلامي جمهوریت د بهرنیو چارو وزارت د انصاف نړیوالې محکمې ته د صهیونیسټي رژیم په خلاف د شکایت د وړاندې کولو په لړ کښې د جنوبي افریقا د حکومت د اقدام ملاتړ وکړ.
جنوبی افریقا د غزې په تړانګه کښې د فلسطینیانو د وژلې او د صهیونیسټانو د جنایتونو د پای ته رسولو په هدف د هالینډ په هیګ کښې د جرمونو په نړیواله محکمه کښې د صهیونیسټ رژیم په خلاف شکایت درج کړی دی.
په دغې ۸۴ مخیزه لایحه کې سویلي افریقا اسراییل «د نسل وژنې د جرمونو د مخنیوي او مجازاتو د کنوانسیون له احکامو سرغړوونکی» بللی دی.
د هاګ نړیواله جنايي محکمه به د دې اوونۍ د پنجشنبې او جمعې په ورځو یعنې نن او سبا د غزې په تړانګه کې د نسل وژنې د قضیې په اړه د جنوبي افریقا او صهیونیسټي رژیم حقوقي نظرونه وڅیړي.
تر اوسه د پاکستان، اردن، ترکیې، مالیزیا، بولیویا، وینزویلا او لیبیا په ګډون ګڼو هېوادونو او همدارنګه د اسلامي همکاریو سازمان د جزا په نړیواله محکمه کښې د اسراییلي رژیم د وروستیو جنایتونو او نسل وژنې د محاکمې او څېړنې ملاتړ کړی دی.
په دې لړ کښې د ایران اسلامی جمهوریت یو ځل بیا د فلسطین د ملت په خلاف د توکمپاله صهیونیسټی رژیم جنګی جنایتونه او نسل وژنه په کلکه وغندله او له نیواکګرۍ سره په مقابله کښې یې د فلسطین د ولس لپاره د نړیوالو حقوقو له مخې د یو پيژندل شوي او روا حق په توګه یې د مقاومت له چلند څخه یې خپل ملاتړ اعلان کړ.
د ایران د بهرنیو چارو وزارت پرون چارشنبه په یوه بیانیه کښې د صهیونیسټی رژیم د فوځی حملو د بشپړ بندولو او د موثرې مبارزې د رامینځته کولو لپاره د ملګرو ملتو د امنیت د شورا په شمول د نړیوالو غونډو او سازمانونو د فوري او پرېکنده اقدام په ضرورت یو ځل بیا تاکید وکړ او د صهیونیسټ رژیم په وړاندې په خپل اصولي نکته نظر باندې په ټینګار سره یې د ۱۹۴۸ کال د کنوانسیون په حوالهؤ د نسل وژنې د مخنیوي او سزا په اړه د عدالت او انصاف نړیوالې محکمې په رجوع کولو کښې یې د دغه رژیم په خلاف د جنوبی افریقا د حکومت د اقدام ملاتړ وکړ..
د دې بیانیې په دوام کښې راغلي دي: د ایران اسلامي جمهوریت د فلسطین د ملت په دفاع کښې د نړیوالو قوانینو په چوکاټ کښې د جنوبي افریقا د حکومت اقدام یو مسئولانه، زړور او د ویاړ وړ اقدام ګڼي او د دغه هیواد د حکومت د ټینګ ملاتړ غوښتنه کوي.
