د ایران د بهرنیو چارو وزارت د جمعې د ورځې په مظاهرو کې، د نړۍ ازادي غواړو او حق غوښتونکو ته د ګډون بلنه ورکړه
پارس ټوډې – د ایران د اسلامي جمهوریت د بهرنیو چارو وزارت، د قدس د نړیوالې ورځې په مناسبت (د ۱۴۰۳ کال د وري 17مه) د نړۍ له ټولو مسلمانو حکومتونو او ولسونو، ازادۍ غوښتونکو او د حق غوښتونکو ته، د اسرائیلو له سرطاني دانې او د سیمه ایز او نړیوال ثبات او امنیت له ګډوډوډوونکي سره د مقابلې لپاره او د فلسطین د مظلوم ملت د رښتیني او عملي ملاتړ لپاره، یووالي او پیوستون ته رابولي.
د ایران د بهرینو چارو وزارت په بیانیه کې راغلي دي: د اسلامي انقلاب د ستر لارښود او د ایران د اسلامي جمهوریت د بنسټګر حضرت امام خمیني (ره) د تاریخي ابتکار د کلیزې په مناسبت یعنې د قدس په نوم د روژې د مبارکې میاشتې د وروستۍ جمعې د مبارکې ورځې نومول، چې اوس د فلسطین د ازادۍ او د قدس شریف د آزادۍ آرمان، د انسانیت او آزادۍ د تحقق په لاره کې د نړۍ د ټولو قومونو، مذهبونو او دینونو د یووالي او د صهیونیسټي رژیم له لوري د مظلوم او محاصره شوي فلسطیني ملت پر وړاندې له نیواک، ظلم، قتل او جنایت سره د مخالفت څرګندول اعلان کړل.
