ایران په فلسطیني النصیرات په کمپ کې د صهیونیسټي رژیم جنایتونه وغندل
د ایران د اسلامي جمهوریت د بهرنیو چارو د وزارت ویاند، د غزې تړانګې په مرکز کې د النصیرات پر کمپ د صهیونیسټي نسل وژونکي رژیم وحشتناک جنایت وغندلو.
پرون شنبه د غزې تړانګې په مرکز النصیرات کمپ باندې د صهیونیسټي رژیم د وحشیانه حملې له امله د دغه کمپ ۲۱۰ تنه اوسېدونکي په شهادت ورسېدل.
د ایران د اسلامي جمهوریت د بهرنیو چارو د وزارت ویندوی«ناصر کنعاني چافي» پرون شنبه ، په النصیرات کمپ کې د سلګونه فلسطیني ماشومانو او ښځو په قتل عام کې د صهیونیسټانو وحشتناک او دردوونکی جنایت، په غزه کې د ملګرو ملتونو سازمان د امنیت شورا په ګډون د دولتونو او نړیوالو سازمانونو د بې کفایتۍ پایله وګڼله او وویل چې د دې بې کفایتۍ دوام، د فلسطینیانو نسل وژنې ته د جنایتکارانو له هڅونې پرته نور څه نه دي.
د ایران د ډیپلوماټیکې برخې ویاند ټینګار وکړ: په وینو کې لت پت د فلسطیني وګړو او ماشومانو جسدونه، صهیونیسټي رژیم ته د امریکايي او اروپایي بمونو او توغندیو د ورکړې د دوام او له صهیونیسټي رژیم ته څخه د امریکا او ځینو اروپايي هېوادونو د ملاتړ پایله ده.
کنعاني زیاته کړه: د غزې بې ګناه وګړي په تېره بیا د غزې مظلوم ماشومان د وحشیانه بمباریو تر محاصرې لاندې د لوږې، تندې او د درملو او طبي وسایلو د کمښت دردونه او کړاوونه زغمي.
