امام خامنهاي: صهیونیسټي رژیم په محاسباتي تیروتنې اخته شوی دی
پارس ټوډی- د اسلامي انقلاب معظم رهبر په خپلې وینا کښې وفرمایل: د صهیونیسټي رژیم چارواکي د ایران د اسلامي جمهوریت په هکله په محاسباتي غلطۍ اخته دي ځکه چې د ایران ولس او ځوانان نه پيژني او تراوسه نه دی توانیدلی چې د دې ولس په قدرت، توانمنۍ، نوښت او ارادې باندې صحي پوه شي.
د اسلامي انقلاب د معظم رهبر د دفتر د ویب سایټ په حواله د پارس ټوډی د خبر له مخې حضرت آیت الله العظمی سید علي خامنه اي پرون د امنیت د شهیدانو د کورنیو د زرګونو کسانو په کتنه کښې، په غزې او لبنان کښې د سختو بوږنونکو جنایتونو په ترسره کولو کښې د خبیث صهیونیسټي رژيم پرله پسې اقداماتو ته په اشارې سره، د دغه پلید رژيم خلفا د یو نړیوال ائتلاف د جوړیدو غوښتنه وکړه.
حضرت آیتالله خامنه اي د ایران خلاف د صهیونیسټي رژیم د څو شپې مخکښې له شرارته ډک اقدام ته په شارې سره زیاته کړه: د دې سپک کار په لړ کښې، دوي خپله په خاصو اهدافو سره هغه ډیر ستر ښايي خو د دغه کار وړوکی بلل او دا چې ووایئ هیڅ نه وو او داسې خاص اهمیت یې نه درلود، هم غلط دي.
د اسلامي انقلاب معظم رهبر وفرمایل: د صهیونیسټي رژیم مشران د ایران د اسلامي جمهوریت خلاف په محاصباتي تیروتنې کښې دي ځکه چې د ایران ځوانان او خلک نه پیژني او تراوسه نه دی توانیدل چې د دې ولس طاقت، وسمني، نوښت او هوډ په سمه توګه درک کړي.
دوي ټینګار وکړ چې البته د کار کیفیت باید مسئولان، په سمه توګه معلوم کړي او هغه څه چې د دې هیواد او ولس په صلاح وي، ترسره یې کړي ترڅو هغوي پوه شي چې د ایران ولس څوک دی او ځوانان یې څنګه دي.
د اسلامي انقلاب ستر لارښود په غزې تړانګې کښې د صهیونیسټي رژيم غمیزه ناکو جنایتونو او د څه باندې لسو زرو ماشومانو او له دوو زرو د زیاتو ښځو شهادت ته په اشارې سره چې د ترټولو وحشیانه جنګي جنایتونو نمونه ده، په غزې او لبنان کښې د دغه رژیم له اقداماتو سره په مقابله کښې د ملګرو ملتو په شان د نړیوالو ټولنو او حکومتونو په ستر غفلت باندې سخته نیوکه وکړه او ویې ویل: جنګ یولړ قواعد او قوانین او حدونه لري او داسې نه ده چې په جنګونو کښې دې د ټولو حدودو خلاف ورزي وشي خو په نیواکي ټاټوبي باندې واکمنې جنایتکارې ډلې ټول حدود او قواعد ترپښو لاندې چخڼي کړي دي.
حضرت آیت الله العظمی سید علي خامنه اي د دغه جنایتکار رژیم په وړاندې د حکومتونو په تیره بیا د اسلامي حکومتونو اودریدل او د دغه جلاد رژيم خلاف د یو نړیوال ائتلاف جوړیدل ضروري وبلل او زیاته یې کړه: اودریدنه د اقتصادي مرستو د بندولو په معنا نه ده ځکه چې جوته ده چې د غاصب رژيم مرسته، ترټولو بده او ستره ګناه ده، بلکې اودریدنه یعنې د دغه خبیث رژيم په وړاندې چې ترټولو بوږنونکي جنګي جنایتونه ترسره کوي د یو نړیوال سیاسي او اقتصادي او د ضرورت په بڼه کښې د یو پوځي ائتلاف جوړول دي.
دوي همداشان د امنیت د شهیدانو کورنیو ته په خطاب کښې، دغه شهیدان د حق د لارې له ترټولو غوره شهیدانو وبلل او د ټولنې په ټولو چارو او د خلکو د ژوند په مختلفو اړخونو کښې د امنیت د بیخ بنا اهمیت ته په اشارې سره ټینګار وکړ: یوازې یو پیاوړی ایران کوې شي چې د هیواد او ولس امنیت او پرمختګ تامین او تضمین کړي، په دې وجه ایران باید په ټولو اقتصادي، علمي، سیاسي، دفاعي او مدیریتي اړخونو کښې ورځ تر بلې لاپياوړی شي.