ایران د صهیونیستي رژیم د خارجه وزیر ادعا بې بنیاده وبلله
د صهیونیستي رژیم د بهرنیو چارو وزیر د ایران پر ضد د نوې رسنیزې فضا جوړولو په دوام سره دا ځلې، ادعا وکړه چې تهران په ځینو هېوادونو کې د اسرائیل رژیم د سفیرانو د وژلو هڅې کړي دي.
، د صهیونیستي رژیم د بهرنیو چارو وزیر ګدعون ساعر ، په خپلو تازه څرګندونو کې ادعا وکړه: ایران هڅه کړې چې په ځینو هېوادونو کې د اسرائیل سفیران ووژني.
د ایران د اسلامي جمهوریت د بهرنیو چارو د وزارت ویاند اسماعیل بقائی هم په یوه خبري غونډه کې د صهیونیستي رژیم ادعا بې بنیاده وبلله او د اسرائیل رژیم د دغه ادعا په اړه چې ایران په مکسیکو کې د دې رژیم د سفیر د وژلو پلان لرل، د ایرنا د خبریال په ځواب کې وویل: لکه څنګه چې زموږ سفارت اعلان کړی و، دا یوه بې بنسټه او مسخره ادعا وه.
اسماعیل بقايي زیاته کړه: د ایران د نړۍ د هیوادونو تر مینځ د دوستانه اړیکو د خرابولو هڅې د اسرائیل رژیم د دسیسو یوه برخه ده.