ایران: موږ د سیمې پر هېڅ هېواد برید ندی کړی

د ایران د بهرنیو چارو وزارت ویاند اسماعیل بقایي وایي، موږ د سیمې پر هېڅ هېواد برید نه دی کړی، بلکې د ایران بریدونه یوازې په سیمه کې د امریکا پر مرکزونو باندې وو.

هغه زیاته کړه،  موږ د سیمې له هېوادونو څو ځله غوښتي چې اجازه ورنه کړي امریکا د دوی له خاورې د ایران پر ضد د برید لپاره استفاده وکړي.

دا په داسې حال کې ده، چې ایران نن سهار د سیمې په شپږو هېوادونو کې د امریکا پر اډو او نورو مرکزونو باندې بریدونه ترسره کړي دي.