حجت‌الاسلام قاضي عسکر؛د مقاومت زور، دښمن شاتګ ته اړ باسي

پارس ټوډې – د تهران ښار په  جنوب، ری ښار کې د حضرت عبدالعظیم حسني (ع) د سپېڅلي زیارت متولي وویل، د حسینی اربعین لومړنی پیغام د مستکبرانو اوسرزورو پر وړاندې مقاومت دی، او   له  عاشورا  تر اربعین پورې تجروبه، او همدارنګه د   اوسني  بدلونونه، دا ثابتوي چې مقاومت نتیجه  ورکوي او دښمن له خپلې ظاهري او دروغجنې زبرځواکئ ټيټوي

د پارس ټوډې د راپور له مخې، حجت‌الاسلام والمسلمین سیدعلي قاضي عسکرپرون  د حسینی اربعین د پاتې شویو میلیوني زیارتوالو  د ستر  پلي لاریون  په پاي کې په غونډې کې، چې د حضرت عبدالعظیم حسني (ع) په سپېڅلي زیارت کې جوړه شوې وه، د خلکو د پراخ ګډون ستاینه وکړه او وې ویل:د سږ کال ګډون د تېرو کلونو په پرتله د پرتله کولو وړ نه دی، او دا ستر شتون  د اهل‌بیتو (ع) او د اربعین له  کلتور سره د خلکو د مینې ښکاره نښه ده.

هغه د اربعین د زیارت د پیغامونو په اړه وویل:د حسینی اربعین لومړنی پیغام دا دی چې له مستکبرانو سره د مقابلې یوازینۍ لار مقاومت دی، او دا مقاومت په پای کې بریا ته رسېږي. نن سبا هم د ایران ملت د عاشورا له همدې فرهنګ څخه په الهام اخیستو سره ، د ګواښونو پر وړاندې شاتګ نه دی کړی او ټینګ ولاړ دی، او همده ټینګښت د دې لامل شوی چې دښمنان خپلو موخو ته ونه رسېږي.»

قاضي عسکر زیاته کړه چې د ملتونو ویښتا به یوازې په ایران پورې محدوده  نه ده، او نن سبا په بېلابېلو هېوادونو کې هم ملتونه د امریکا او صهیونیستي رژیم د سیاستونو په اړه بیدار شوي دي، او په عراق، لبنان، یمن او نورو هېوادونو کې د مقاومت جبهه د همدې ویښتیا نښې څرګندوي.

هغه د «بیانونکي جهاد » پر اړتیا ټینګار وکړ او زیاته ئې کړه:ټول هغه کسان چې وړتیا لري، باید د انټرنیټي  او  مجازي فضا او رسنیو له ظرفیت څخه د دښمن د جنایتونو د ایشوا کولو او د عامه افکارو د روښانولو لپاره کار واخلي، ځکه چې د سترو قدرتونو د زورواکۍ پړاؤ  د پای په لور روان  دی.