مکه او مدینه باید دصهیونیسټانو مرکز نشی
-
نن دروژې دمبارکې میاشتې اخري جمعه او د قدس نړیواله ورځ ده .
زمونږخبریال وایی د فلسطین د انتفاضې دملاتړ د نړیوال کانفرنس سیکرټر حسین امیر عبداللهیان په دې خبرې سره چې باید اجازه ورنکړو د مکې او مدینې ټاټوبی دصهیونیسټ مرکز جوړ شی زیاته کړه قدس شریف ته دامریکا د سفارت دانتقالولو لپاره د واشنګټن هڅه ستراتژیکه غلطۍ ده .
هغه د قدس دنړیوالې ورځې په درشل کښې پرون وویل په قدس ورځ د فلسطین ملاتړی باید په لوړ غږ سره له صهیونیسټ رژیم سره د سعودی عربستان او د ځینو نورو عربو حکومتونو د اړیکو د عادی کیدا خنډ شی .
دفلسطین د انتفاضې دملاتړ دنړیوال کانفرنس سیکرټر حسین امیر عبداللهیان وویل داسلامی نړۍ اوسنی شرایط د صهیونیسټ رژیم او دامریکا د فتنو د رامینځته کولو او د فلسطین د خلکو مظلومیت او د اسلامی نړۍ مشکلاتو ته د سیمې د ځینو واکمنانو دبې پامۍ نتیجه ده .
هغه په سیمه کښې د صهیونیسټ رژیم له فتنو او هره ورځې جنایتونو سره د مقابلې یوازنۍ لاره دفلسطین تر کاملې ازادۍ پورې مقاومت وباله .
حسین امیر عبداللهیان په دې خبرې سره چې زر به فلسطین ازاد شی وویل دایران اسلامی جمهوریت د فلسطین په کامل ډول تر ازادیدا او دقدس په پلازمینه د فلسطین دیوه(۱) خپلواکه هیواد تر جوړیدا او دکډوالو تر ستنیدا پورې دفلسطین دمظلومو خلکو په څنګ کښې وی .
نن دروژې دمبارکې میاشتې اخری جمعه او د قدس نړیواله ورځ ده .
د ایران داسلامی انقلاب دبنسټګر حضرت امام خمینی رحمت الله علیه په نوښت د روژې دمبارکې میاشتې اخری جمعه دقدس نړیواله ورځ نومول شوی ده چې دټولې دنیا مسلمانان دصهیونیسټ رژیم له توکمپالو سیاستونو کرکه اعلان کړی .
