ایران د سوریې په غوښتنه په دغه هیواد کښې شتون لری

ایرنا خبری اژانس وایی دایران داسلامی جمهوریت د باندنیو چارو وزیر محمد جواد ظریف د ایټالیا هیواد په پلازمینې «روم » کښې د مدیترانه د خبرو په نړیوال کانفرنس کښې ټینګار وکړ په سوریې کښې د ایران شتون د دمشق دحکومت په رسمی بلنه دی .

هغه په  سیمه کښې دداعش ، جبهه النصره او د طالبانو په شمول له ترهګرو ډلو د ځینو هیوادونو ملاتړ ته  په اشارې سره وویل دغه هیوادونه هماغه راز په غلطو کارونو لاس پورې کوی .

دایران خارجه وزیر محمد جوادظریف وویل سعودی عربستان په سوریې او یمن کښې د صلحې او داووربند لپاره ټولې لارې رد کړی دی .

هغه  ټینګار وکړ اټومی موافقه ترټولوښه موافقه ده چې ایران او پینځه جمع یوې ډلې غړیو هیوادونو هغه لاسلیک کړی ده .