د ایران د مرغومی د 4 نیټې مطبوعات

په اسلام اباد کې د سیمې د پارلیمانونو د مشرانو د نړیوالې غونډې په پایزې کې ویل شوی دی چی له ترهه ګرۍسره مقابله هراړخیزې ارادې او جدیّت ته ضرورت لری

جمهوری اسلامی ورځپاڼه

په اسلام اباد کې د سیمې د پارلیمانونو د مشرانو د نړیوالې غونډې په پایزې کې ویل شوی دی چی له ترهه ګرۍسره مقابله هراړخیزې ارادې او جدیّت ته ضرورت لری .  له ترهه ګرۍ سره دمبارزې د چیلنجونو اولارو چارو او  د سیمه ایزو ملګرتیاؤ  په موضوع سره  د ایران ،ترکیې ،پاکستان ،افغانستان ،چین او روسیې  دپارلیمانونو  دمشرانو  ګډه غونډه  د پاکستان په  اسلام اباد کې دپایزې اعلامیې په خپریدو سره پای ته ورسیده.

د دغې غونډې په پایزې اعلامیې کې راغلی دی ،  ترهه ګری هیڅ  حد اوپوله نه پیژنی  او  له یوه دین اومذهب سره هم  اړه نه لری  او له ترهه ګرۍ سره مقابله هراړخیزې ارادې او  جدیّت او هوډ ته ا ړتیا لری .

 د دغه یوه ورځنی سیمنار  لومړنۍ ناسته :  په  سیمې اوپارلیمانونو کې له ترهه ګرۍ سره دمبارزې لپاره د ګډو سټراټژیو   دترلاسه کولو او  دوهمه ناسته هم  دسیمه ایز ارتباطاتو د زیاتیدا له لارې د ګډې هوساینې  په لاره کې د لرلیدونو دپیژندګلوۍ په عنوان سره   ترسره شوی  او  ګډه اعلامیه هم  د مطرح شویو   موضوعګانو په اساس برابره شوی او د ګډون کونکو پارلیمانی مشرانو  له خوا لاسلیک شوه . 

 دپاکستان د ولسی جرګې مشر سردار آیاز صادق  د دغې غونډې په پایزو دستورو کې  د ایران ،روسیې ،ترکیې، چین او افغانستان د پارلیمانی پلاؤ دشتون قدرونه وکړه .

 د غونډې په پای کې  دایران داسلامی شورا مشر علی لاریجانی  اعلان وکړ چې  د دغې   غونډې ورپسې کنفرانس  په تهران کې ترسره کیږی .

په اسراییلو کې د نتانیاهو پرضد پراخې مظاهرې ترسره شوی دی .

په یمن کې د په زرو ورځو جنګ کې د عربستان ۳۷ جنګی الوتکې  او ۱۳۰۰ ټانکونه او زغرګاډی تباه شوی دی .

عربستان دشطرنج په نړیوالو لوبوکې دصهونیسټ رژیم اوه کسیزې لوبډلې ته ویزې ورکړې

کیهان ورځپاڼه

کیهان ورځپآڼي په خپل لومړی مخ د نورو مطلبونو ترڅنګ  د حضرت عیسی ع د نیکمرغه زوکړې په مناسبت د نړۍ موحدانو او عیسایانو  ته مبارکی ویلی  اود ګلونو یو ښایسته انخور یې چاپ کړی دی .

اسلامی ایران پرضد د ټرمپ نوی ستراتیجۍ له مخکې ماته خوړلی ده .

یونیسف وایی چی د یمن جنګ له ماشومانو سره دې .

امریکا د ۲۰۱۸ میلادی کال له بودجې ۴۰۰ میلیون ډالره د سوریې د ترهه ګرو لپاره بیل کړل .

ماسکو وایی چی امریکا لس زره داعشیان سنبال او افغانستان ته انتقال کړل . د روسیې خاص استازي ضمیر کابلوف ویلی  چې د داعش ترهه ګرې ډلې اکثره غړي د افغانستان په شمال په تیره بیا جوزجان او  سرپل کې ځای پر ځای  شوی دي.

 هغه په افغانستان کې د داعش شتون د روسیې لپاره یو ګواښ وباله او هیله یې وکړه چې د افغانستان دولت  له  دغه ډلې سره غوڅه مقابله وکړي.

دا په داسې حال کې دي چې د افغانستان دفاع وزارت ویلې دي: د سږ کال له پیله تر اوسه  په دغه هیواد کې تر یو زر شپږ سوو زیات داعشیان وژل شوې دي .

اطلاعات ورځپاڼه

د ایران د اسلامی شورا مشر ډاکټر لاریجانی ویلی دی چی  له ترهه ګرۍ سره مبارزه په سیمه ایز کړچار سره نتیجه ته رسی . د ایران د اسلامی شورا مشر ډاکټر علی لاریجانی  د پاکستان په پلازمینې اسلام اباد کې له ترهه ګرۍ سره د مقابلې د ستونزو او سیمه ایزو ملګرتیاو رول د جاج په غونډه کې وویل د ترهه ګرۍ ښکارنده ، د پراختیا ، هوساینې او د حکومتونو او ملتونود هدفونو د پرمختګ خنډ شوی او د ننۍ نړۍ په تیره بیا د اسیا یومهم چیلنج دې .

لاریجانی زیاته کړه د وسلو او مالی امکاناتو په ورکولو سره له ترهه ګرو ډلو د استخباراتی ادارو اوزاری استفادې د ترهه ګرو ډلو ودې ته لمن وهلی ده .

لاریجانی په سیمه کی د ترهه ګرۍ یوه اصلی زمینه کلتوری مسلې وبللې او جوته یې کړه دپخوانی شوروی او بیا وروسته امریکا او ناټو په وسیله د افغانستان نیواک هم د ترهه ګرو ډلو د رامینځته کیدا او پراختیا عامل شو .

ښاغلی لاریجانی په سیمه کې د صیهونیسټانو بلا غوښتنې ته په اشارې سره وویل د هغو سـراتیجۍد سیمې د هیوادونو د انرژۍ د له مینځه وړلو لپاره د ترهه ګرو پیاوړتیا او خپلو اوږدمهاله هدفونو پرمخ بوتلل دی .

ډاکټر لاریجانی پر دې په ټینګار سره چی پارلیمانونه باید په سیمه کې د امریکا د بلا غوښتونکیو لاس وهنو خنډ شی ، وویل په سوریه کې د ایران ، روسیې او ترکیې بریالی ملګرتیا وښودله چی که د سیمې هیوادونه جدی هوډ ولرلې شی او په بیلا بیلو اړخونوکې خپله ملګرتیا منظمه کړی نو بریالی به شی .

ښاغلی لاریجانی همداراز د پاکستان د سنا له مشر رضا ربانی سره په کتنه کې په افغانستان کی د امریکا نا کامه شتون ته په اشاری سره وویل امریکا هڅه کوی په افغانستان کی د خپلې ستونزې د اواری لپاره نور هیوادونه تورن کړی .

یونیسف وایی ۲۰۱۷ میلادی  کال د یمنی ماشومانو لپاره بدترین کال وو .

د پاکستان د سنا مشر ښاغلی رضا ربانی په اسلام اباد کې له ترهه ګرۍ سره د مبارزې ستونزې او د سیمه ایزې ملګرتیا رول د نړیوال کانفرنس په پرانستونکو دستورو کې له تل ابیب څخه بیت المقدس ته د امریکا د سفارت د انتقالولو په اړه د ټرمپ فیصله تاریخی تیروتنه وبلله .

د لبنان د حزب ا... د عمومی منشی مرستیال شیخ نعیم قاسم ویلی دی قدس پرضد د امریکا د نقشې یوه برخه د عربستان په شتمنیو اجرا کیږی .