دایران دفاع وزیر د عراق د استخباراتی مرکز کتنه وکړه
-
ایران په تیرو څو کلونو کشې دعراق د عسکرو په ملاتړ کولو سره دداعش ترهګرې ډلې په له مینځه وړلو کښې مهم رول لرلی دی .
زمونږخبریال وایی د ایران دفاع وزیر امیر حاتمی دعراق په پلازمینې بغداد کښې د استخباراتی مرکز د کتنې په وخت چې دایران ، عراق ، روسیې او دسوریې په ملګرتیا سره په ګډه اداره کیږی په سیمه کښې له ترهګرو ډلو سره د مبارزې لپاره ددغه مرکز پر رول ټینګار وکړ .
دایران دفاع وزیر دغه راز دعراق له کورنیو چارو وزیر او نورو لوړرتبه چارواکو سره په کتنې کښې په داعش ترهګرې ډلې ددغه هیواد د وروستیو بریالیتوبونو قدرونه وکړه .
د عراق دپوځ د استخباراتو دبرخې مشر جنرال سعد العلاق هم دایران له دفاع وزیر امیر حاتمی سره په کتنې کښې د ایران، عراق ، سوریې او د روسیې ترمینځ اتحاد د نړیوالو اړیکو په تیره بیا له ترهګرو او سرزورو ډلو سره په مبارزې او امنیتی زمینه کښې ښکاره بیلګه وبلله .
ایران په ۲۰۰۳ میلادی کال کښې په عراق دامریکا له حملې راهسې تل د عراق له حکومت سره نږدې اړیکې لرلی دی .
ایران په تیرو څو کلونو کښې دعراق د عسکرو په ملاتړ کولو سره دداعش ترهګرې ډلې په له مینځه وړلو کښې مهم رول لرلی دی .
