د اهواز په جنایت کښې داعش د الاحوازیه ترهګرې ډلګۍ مرسته کړې

د ایران د سویل لویدیځ اهواز د ترهګرې حملې په هکله یولړ نوي اړخونه څرګند او خپاره شوي دي.

داعش ترهګرې ډلې چې د امریکا او عربستان ملاتړ ورته حاصل دی، پرون د یو ویډیو فایل په خپرولو سره وویل چې د دغې ډلې دریو کسانو د اهواز په ترهګر برید کښې رول درلود.

له دې مخکښې الاحوازیه ترهګرې ډلګۍ د ایران د وسله والو ځواکونو د پریډ په مراسمو کښې د اهواز ښار پر خلکو د حملې پړه منلې وه.

د داعش لخوا خپره شوې ویډیو ښودنه کوي چې د اهواز د ترهګرې حملې عاملیت د داعش او الاحوازیه ترهګرو ډلګیو لخوا یو ګډ اقدام و او دغه دواړه ډلګۍ په سعودي عربستان پورې پیئلې دي.