صهیونیسټي رژیم د امریکې په ملاتړ سره ترهګر برابروي
د ایران د اطلاعاتو وزیر وویل: د صهیونیسټي رژيم امنیتي او استخباراتي ادارې د امریکې په ملاتړ سره ترهګر برابروي.
سید محمود علوي نن د ایران په اسلامي شورا کښې په دې خبرې سره چې ترهګر سنبال روزنیز مرکزونه او د وسلو ستر ډیپوګان لري، زیاته کړه: ترهګر د جنګي زده کړو سربیره، اطلاعاتي روزنه هم ترلاسه کوي چې خپل تماسونه او د ګاډو تګ راتګ څه ډول له اطلاعاتي سرچینو پټ کړي.
د ایران د اطلاعاتو وزیر څرګنده کړه: په روانو حالاتو کښې د ګاونډي هیوادونو او حتی د لرو پرتو هیوادونو امنیتي ادارو نیغ په نیغه د ایران د امنیت خلاف کار پیل کړی دی او له ترهګرو ډلو په مالي، روزنیزه او تسلیحاتي بڼه ملاتړ کوي.
علوي همداشان د ایران د اسلامي جمهوریت د امنیت د خرابونکو اقداماتو د ختمولو لپاره د امنیتي تابیاؤ په هکله وویل: د ایران د اطلاعاتو وزارت د پیاوړو او کمزورو امنیتي ټکو، فرصتونو او ګواښونو په پيژندلو او د سترو او امنیتي مسائلو په اټکلولو سره، امنیتي سټراټیجۍ برابر کړې دي.
