ایران له ترهګرو سره خبرې نه کوي
د ایران د اسلامي جمهوریت خارجه وزیر د ایران د خلکو خلاف د سپينې ماڼۍ د بندیزونو د سیاست په ترهګري بللو سره وویل: ایران له ترهګرو سره خبرې اترې نه کوي.
د ایران د اسلامي جمهوریت خارجه وزیر د ایران د خلکو خلاف د سپينې ماڼۍ د بندیزونو د سیاست په ترهګري بللو سره وویل: ایران له ترهګرو سره خبرې اترې نه کوي.
محمد جواد ظریف بیګا په نیویارک کښې خبریالانو ته وویل: امریکې له ایران سره اقتصادي جنګ پیل کړی دی او دغه جنګ چې د امریکې ولسمشر ډونلډ ټرمپ یې پرې ویاړ کوي، د ایران ملکي وګړي یې په نښه کړې دي.
د ایران د بهرنیو چارو وزیر څرګنده کړه: له حقوقي نظره د ترهګرۍ ترجمه دا ده چې په بدمعاش ډوله اقداماتو سره د یو هیواد د سیاستونو د بدلولو کوشش وشي یا د یو هیواد خلک د خپل حکومت د سیاستونو بدلولو ته مجبور کړی شي.
د ویلو ده چې د امریکې ولسمشر ډونلډ ټرمپ په زیات نه زیات دباؤ او ګواښ سره هڅه کوي چې ایران د خبرواترو پر میز کښینوي خو ایران په زیات نه زیات مقاومت سره د امریکې دا سیاست له ماتې سره مخامخ کړی دی.
