ایران د انګلستاني کشتۍ اووه خدمه آزادوي
د ایران د بهرنیو چارو د وزارت ویاند: د ایران اسلامي جمهوریت د خپلو انساندوستانه سیاستونو په دوام کښې د دغې کشتۍ اووه تنه خدمه خوشې کوي.
د ایران د بهرنیو چارو د وزارت ویاند د ایران په سمندري حدودو کښې د انګلستان د نیول شوې تیلي کشتۍ وروستۍ حالت ته په اشارې سره وویل: د ایران اسلامي جمهوریت د خپلو انساندوستانه سیاستونو په دوام کښې د دغې کشتۍ اووه تنه خدمه خوشې کوي.
د ایران د خارجه وزارت ویاند سید عباس موسوي نن په دې خبرې سره چې د ایران اسلامي جمهوریت د بریطانیې د نیول شوې کشتۍ له کپتان او نورې عملې سره هیڅ ستونزه نه لري، زیاته کړه: کله چې دغه کشتۍ ونیوی شوه نو خدمه یې هم ونیوی شول خو له ضروري تحقیقاتو وروسته ایران د خپلو انساندوستانه سیاستونو له مخې پریکړه وکړه چې د دغې کشتۍ ځینې کارکونکي پریږدي.
موسوي څرګنده کړه چې دغه کسان ډیر زر کولی شي چې له ایران څخه خپلو هیوادونو ته لاړ شي چې زیاتره په کښې هندي دي.
د ایران د خارجه وزارت ویاند څرګنده کړه چې په ایران کښې د انګلستان د تیلي کشتۍ د قانون ماتونې قضايي مراحل او حقوقي څیړنه روانه ده.
