د ایران د تلې د اتمې نیټې ځینې مطبوعات

د یمن انصار ا... غورځنګ د نجران سترو عملیاتو ته په اشاری سره ویلی دی چی د ال سعودو او امریکا د بدماشۍ پړاو نور ختم شوی دی .

جمهوری اسلامی

د ایران د درستو ورځپاڼو په شان نوموړی ورځپاڼۍ هم دیمن د وسله وال ځواک او ولسی کمیټیو په وسیله د نصر من ا... د عملیاتو د بریاو انځورونه او راپورونه چاپ کړی دی .

د یمن دملی  نجات حکومت د اطلاعاتو وزیر ضیف ا.... الشامی  له ا لمیادین ټیلیویژنی چینل سره په خبرو کې د یمن مظلوم ولس ته   په نصرٌ من ا... نومی پوځی عملیاتو کې دبریالیتوب مبارکی وئیلی او روښانه ئې کړې  ده ،  سعودیان دې  پوه  شی چې که  په یمن  تیریو ته دوام ورکړی ،نو  د دوی حملې او ځوابونه به نوره  هم سخت وی.

  په  عین حال کې  دیمن د انصار  ا... ولسی غورځنګ  و یندوی محمد عبدالسلام  هم وئیلی دی ، د نصر من ا...  عملیات  په درستو سویو کې د سعودیانو لپاره یولړ درسونه   درلودل .

 همداراز د یمن دپوځ ویندوی یحیی سریع  هم وئیلی دی ،د یمن دپوځ او ولسی مبارزو کمیټیو  د نصر من ا...  دعملیاتو  لپاره له شپږو میاشتو راهسې  اطلاعاتی او پیژندونکی  فعالیتونه او پلانونې  کړی  وې .  هغه زیاته کړی ده  ، دغه عملیات  په  څو میاشتو کې  په دقیقې څارنې او اطلاعاتو سره  ترسره شوی  او د یمن دپوځ  بیلابیلو یونټونو پکې برخه  اخستې ده .

 راپورښئ په دغو عملیاتو کې د سعودی عربستان په زرګونو پوځیان او تالی څټی  هلاک اوټپیان شوی دی  او دغه راز  کابو دوه زره ژوندی نیول شوی  او د هغوی په سلګونو ټانکونه ،تجهیزات ،پوځی ګاډی اونور وسایل هم په غنیمت اخیستلی دی .

د افغانستان د انتخاباتو په ورځ د حملو په نتیجه کی ۴۰ کسان مړه او ۲۰۰ ژوبل شوی دی .

د اسلامی ا یران  خارجه وزیر محمد جواد ظریف وئیلی دی د ملګروملتو د عمومی اسمبلۍ  د غونډو تر څنګ  د ایران ډیپلوماټیک فعالیتونو  د نړۍ دزیاترو هیوادونو  دچارواکو لپاره  له امریکا سره اړونده ډیرې دسیسې او موضوعګانو روښانه کړی دی .

د پاکستان په بلوچستان صوبه کښې د یوې ترهګرې بمي چاودنې له امله درې تنه مړه شوي او دیارلس نور زخمي شوې دي.

د امریکا د کانګرس مشرې میرمن نینسی پلوسی  په یولړ څرګندونو کې  روښانه کړې ده ،  د اوکراین له ولسمشر سره د  ډونالډټرمپ  دمکالمې  له خپریدو وروسته  اوس عمومی افکار د ټرمپ دمواخده کولو لپاره دڅیړنو اوارزونو غوښتنه کوی .

جوان

دغې ورځپاڼۍ هم په خپل لومړی مخ د عربستان د ولیعهد بن سلمان او د امریکا د ولسمشر ټرمپ انځور چاپ کړی دی او په غټو ټکیو یې لیکلی دی ، بن سلمان تسلیمدو ته چمتو ، ټرمپ د استیضاح په ویره کی .

د هند تر کنټرول لاندې کشمیر کښې د نښتې له امله څلور تنه وژل شوې دي . د هندوستان حکومت تر خپل کنټرول لاندې کشمیر کښې د اعتراضونو په وجه په دغې سیمې کښې محدودیتونه لاسخت کړې دي .

د عربستان د باچا د ساتونکی قتل په یوه کال کی د قتل دوهمه شکمنه دوسیه ده .  دسعودی عربستان د پاچا ملک سلمان شخصی ساتونکی جنرال عبدالعزیز الفغم په شکمن ډول  په ډزو له لګیدو وروسته  د جده په فیصل روغتون کې ساورکړه .

 دسعودی عربستان  خبرو سرچینو وئیلی دی ، جنرال الفغم  په پیل کې د ملک عبدا... بن عبدالعزیز شخصی  محافظ ؤ  او دهغه له مړینې وروسته  هم د ملک سلمان  ساتونکی ؤ .

 عکاظ ورځپاڼې  هم د جنرال الفغم د هلاکت  دخبر په اعلانولو سره لیکلی دی ،  هغه په شکمنو  شرائطو کې  وژل شوی دی . او شخړه ئې په شخصی لانجې کې رامینځة شوی دی ، خو د یمن د انصار ا ... ولسی مبارز غورځنګ  په یوې اعلامیې کې  د جنرال الفغم  د هلاکت  مسئولیّت منلی او وئیلی ئې دی ،  دیمن  پوځ او ولس نور له دفاعی حالته وتلی او  د عربستان یو ځای هم د هغوی له شیشته بهر نه دی  او  دسعودی عربستان د ننه به خپلو  عملیاتو ته هماغه راز دوام ورکړی .

دعربستان دزرګونوتیریګرونیول کیدا دمقاومت دجبهې داقتدارنښه ده . د ایران داسلامی انقلاب د سپاه پاسدارانو  د عمومی قوماندان جانشین  سردار علی فدوی  په یولړ دستورو کې  د  یمن د پوځ او ولسی مبارزو کمیټیو د مبارزانو  په وسیله  دعربستان  په خاورې کې د سعودی عرب او دهغو دمتحدانو  د زرګونو پوځیانو نیول کیدا ته په اشارې سره  وئیلی دی ،  دغه اقدام  د مقاومت دجبهې  د مبارزانو د اقتدار او د دیمن  دپوځی ځواک  د دفاعی قدرت  یوه څرګنده بیلګه  ده.

 کیهان

د یمن انصار ا... غورځنګ د نجران سترو عملیاتو ته په اشاری سره ویلی دی چی د ال سعودو او امریکا  د بدماشۍ پړاو نور ختم شوی دی .

د ایران خارجه وزیر ښاغلی ظریف له این بی سی چینل سره په مرکه کی ویلی دی ټرمپ یوازې له ایرانی چارواکو سره کتنې ته دلچسپۍ لری د کتنې له محتوا سره کار نلری .

فارن پالیسی مجلې لیکلی دی ، باید له ایران سره جنګ ونشی ، امریکا په ارامکو د حملې پیغام ترلاسه کړی دی .

د ایران داسلامی انقلاب د ساتندویه ځواک عمومی مشر سردار سلامی ویلی دی سپاه به د اربعین د لاریون د پرتمین ترسره کولو لپاره هڅه وکړی .

په امریکا کی د یوې نظر غوښتنې نتیجې ښی چی د امریکا په دریو کی یوه برخه محصلین ویره لری چی ووژل شی .

د ملک سلمان د شخصی ساتونکی قتل ، ایا جنرال الفغم هم د جمال خاشچی له برخلیک سره مختامخ شوی دی ؟

د هند تر کنټرول لاندې د کشمیر له ۵۷ ورځنی کلابندۍ وروسته د نیول شویو کسانو شمیر څه د پاسه دیارلس زره تنه دی چی پکی څوارلس ، پنځلس کلن ځوانان هم شامل دی .

د سوریې خارجه وزیر ولید المعلم وایی سوریه او عراق د ترهه ګرۍ او بهرنیو لاس وهنو پرضد په یوه مورچه کی جنګیږی .

د افغانستان د ولسمشرۍ انتخابات د خلکو په کم ګډون او زیاتو تلفاتو سره ترسره شوی دی .