د پیړۍ د معاملې پلان د اسرائیلو د ختمیدا سبب کیږي
زمونږ خبریال وايي په نړیوالو چارو کښې د ایران د اسلامي شورا د مشر ځانګړي مرستیال حسین امیر عبداللهیان د فلسطین د خلکو پرضد د پیړۍ د معاملې پلان ته په اشارې سره وویل د پیړۍ د معاملې پلان د اسرائیلو د جعلي رژیم د ختمیدا پیلیدل دي .
د پیړۍ د معاملې پلان چې د امریکا لخوا وړاندې شوی دی له صهیونیسټ رژیم سره د قدس او د اردن سیند په لویدیځې غاړې کښې د موجودو ښارونو په کامل ډول یوځاې کول او د فلسطین د کډوالو د بیرته ستنیدا په حق سترګې پټول دي .
ټاکل شوي ده چې د امریکا ولسمشر ډونالډ ټرمپ نن د صهیونیسټ رژیم له لومړي وزیر بنیامین نتانیاهو او د دغه رژیم د شین او د سپین ائتلاف له مشر «بني ګانټس »سره له کتنې وروسته د پیړۍ د معاملې د پلان مخه کتنه وکړي .
په نړیوالو چارو کښې د ایران د اسلامي شورا د مشر ځانګړي مرستیال حسین امیر عبداللهیان بیګا وویل اسرائیل به د سیمې په راتلونکي کښې ځای ونلري .
هغه له ایران سره د امریکا د خبرو لپاره د امریکا د چارواکو ټینګار ته په اشارې سره وویل د اسلامي انقلاب د سپاه پاسداران د قدس ځواک د قومندان ډګر جنرال قاسم سلیماني له ټرور وروسته له ایران سره د خبرو اترو لپاره به د امریکا د ولسمشر ګډوډ خوب هیڅکله پوره نشي .
