د ایران مځکنی پوځ د نړۍ پنځم قدرت دی
د ایران د ځمکني پوځ قومندان د خپل هیواد دفاعي توان ته په اشارې سره وویل: د ایران د پوځ ځمکنی ځواک د نړۍ پنځم ستر قدرت دی.
د ایرنا د خبر له مخې جنرال کیومرث حیدري په دې خبرې سره چې مځکني ځواکونه د هر جنګ ختمونکي دي، زیاته کړه: د ایران د پوځ د مځکني ځواک د توپخانې قدرت د اسلامي ایران د وسله والو ځواکونو د قوت یو ټکی دی.
جنرال حیدري هم داشان په دې ټکي باندې په ټینګار سره چې اسلام یو انسان جوړونکی مکتب دی، څرګنده کړه: په اسلام کښې د تحصیل او زده کړې هدف لوړتیا او له جهالت خلاصون دی او د اسلام په مکتب کښې یو روزل شوی کس د اسلامي انقلاب د سپاه پاسداران د قدس ځواک شهید قومندان ډګر جنرال سردار قاسم سلیماني دی.
هغه هم داشان په دې خبرې سره چې د ایران ولس به هیڅکله د استکبار جبهې زیاته غوښتنې ته تسلیم نه شي، د اسلامي جمهوریت دښمنانو ته خبرداری ورکړ چې که څوک د ایران د امنیت په حریم تیری وکړي نو د ایران د وسله والو ځواکونو له غاښ ماتونکي ځواب سره به مخامخ شي.
