د ایران او د ملت د تکامل بهیر دوام لري
زمونږ خبریال وايي د ایران د اسلامي انقلاب سپاه پاسداران ځواک وویل د اسلامي انقلاب د بریالیتوب د یوڅلویښت (۴۱) کلونو په تیریدا ، د اسلامي جمهوري نظام په ټینګیدا او له ټولو دسیسو سره سره د نوي تمدن د جوړولو په لور د ایران د اسلامي جمهوریت د تکامل بهیر دوام لري .
د ایران د اسلامي انقلاب د ساتندویه ځواک سپاه پاسداران په یوې (۱) بیانیې کښې د اسلامي جمهوري ورځې په مبارکۍ سره ټینګار وکړ د ایران اسلامي جمهوریت له استکبار سره د مبارزې ، حق غوښتنې او د عدالت پراساس د نظریې په تولیدولو سره د الهام بښونکو ، پیاوړو او د ژوندیو حقایقو په توګه چې د نفوذ ساحې یې د بشریت جغرافیه تر اغیز لاندې وروستلي ده د مستکبرانو جبهه په تیره بیا د امریکا صهیونیسټ ، ترهګر او دیکتاتور رژیم د نړۍ د ستراتیژیکو بدلونونو په ډګر کښې څنګ ته کړی دی او د امریکا د ظاهري قدرت ځوړتیا یې هم ښکاره کړي ده .
د دیارلس سوه اته پنځوسم(۱۳۵۸) هجري لمریز کال په وري میاشت کښې د امام خمیني رحمت الله علیه په مشرۍ د ایران د اسلامي انقلاب له پرتمینه انقلاب وروسته په ټول هیواد کښې ټولپوښتنه وشوه .
د دغه ټولپوښتنې د نتیجو پراساس چې د دیارلس سوه اته پنځوسم (۱۳۵۸)هجري لمریز کال د وري د میاشتې په دولسمه (۱۲) نیټه اعلان شوې څه د پاسه اته نوي (۹۸) فیصده خلکو د اسلامي جمهوري نظام له جوړیدا سره موافقت وکړ .
په همدې مناسبت پرون ورځ د ایران د اسلامي جمهوریت په کال هینداره کښې د اسلامي جمهوري ورځ په توګه نومول شوي ده .
