اسلامی ایران دسلامتیا په نظام کې یو قدرتمند هیواد
د روغتیائي چارو نړیوالې ادارې ، دایران اسلامی جمهوریت دسلامتیا په نظام کې یو قدرتمند هیواد پيژني او د کوویډ-۱۹ډوله ناروغۍ په زمینې کې هم د روغتیا له نړیوالې ادارې سره ئې ډير ښه، په زړه پورې او نزدې ارتباطات ټينګ دي .
د ایران داسلامی جمهوریت د روغتیائي چارو وزیر سعید نمکي ددې خبرې په کولو سره چې په سیمې کې د ایران د درملنې او روغتیائي چینل نظام بې مخینې دی ، زیاته کړې ،ایران د ماشومانو د ګوځڼ، شري ،دملیریاکنټرولول او کزاز او همداراز دنورو ډ يرو خوریدونکوناروغیو په څير د بیماریو په جرړه ویستلو کې ښې تجروبې لري .
دایران دروغتیائي چارو وزارت له کرونا ویروس خوریدا سره د مقابلې په لومړنۍ کرښې کې نه هیریدونکي هلې ځلې کړي دي ، چې ددغه مرګوني ویروس د ناکامولو لپاره دا یران د روغتیائي چینل د توانمنیو نښه ده .د روغتیا او درملنې د چارو نړیوالې ادارې هم د ایران طبي عمله او نظام،د مدیترانې په ختیځي سیمې کې د روغتیا یو تر ټولو پیاوړی سسټم معرفي کړی دی .
د ایران ټیکنالوجیکي ټولنې هم له کرونائي بحران سره دلاس او ګریوان کیدا له هماغو لومړنیو شپو ورځو راهسې د ایران د روغتیائي چارو له اورګان سره جدی او اغیزشیندونکي هلې ځلې پیل کړی دی . هغه مهمه پيښه چې پّ دغه بهیر کې د دانش بنیان شرکتونو په لاس رامینځةشوي ،د هغو تجهیزاتو تولید دی ، چې جوړیدا ئې ، دګوته په شمیر پرمختللو هیوادونو په انحصار کې ده .
د اسلامی ایران د ولسمشر د سائنس او ټيکنالوجیکي چارو مرستیال سورنا ستاري ، ددې خبرې په کولو سره چې د دانش بنیان شرکتونه، د کوویډ-۱۹ډوله ناروغۍ د درملنې لپاره د درملیزو پروټوکولونو په زمینې کې په څيړنو بوخت دي ، پخبل یوه ټولنیز پیغام کې لیکلي دي ،د ماسک ، دویروس ضد موادود تولید د تجهیزاتو اوآلو له تولیده رانیولې د ونټيلیټر، د آئي سی یو ،کوټو دتجهیزاتو ،د سي ټي سکین او مشخص کونکو کیټونو په څير تر ډ يرو زیاتو پرمختللو طبي تجهیزاتو پورې مهم تولیدات کړي او همداراز د واکسنو او درملو د برابرولو لپاره ئې ډيرې زیاتې هلې ځلې کوي او د کوویډ-۱۹ډوله ناروغۍ د واکسنو د تولید او جوړولو لپاره درې خپلواکه ډلې کارکوي .
نن سبا د ایران جوړو شوو مشخص کونکو آلو او تجهیزاتو سره د کرونا د تشخیص فعالیتونه ترسره کیږي او دا د مصنوعي هوش په حوزې کې او دهغو تحقیقاتوي مرکونو دتوانمنیو د زیاتولو لپاره د ودې په ډګرونو کې د دانش بنیان شرکتونو دحرکت او خوځښت نتیحه ده چې خپلې وړتیاوې ئې نندارې ته وړاندې کړي دي .
په درستې نړۍ کې تر دې دمه په کرونا ویروس د ککړو کسانو شمیر له دوو میلینو اوه لکه کسانو زیات شوی چې په دغو کسانو کې کابو دوه لکه کسانو خپل ژوند له لاسه ورکړی دی . دغه احصائې ښئ ، په کوویډ-۱۹ډوله ناروغۍ ککړتیا یوه نړیواله پيښه ده او د کرونا ویروس له خوریدا سره مقابله د درستو هیوادونو لپاره یو ستر امتحان شمیرل کیږي . په تیرو څو میاشتو کې چې کرونا ویروس په درستې نړۍ کې خور شوی ، ،په ډيرو هیوادونو کې حتی په امریکا او اروپائي هیوادونو کې دروغتیا او درملنې برخې له ډيرو جدي مشکلاتو سره لاس او ګریوان دي او د ماسکونو ،ګلؤز یا دستانو، روغتیائي او ویروس ضده موادو او نورو ضرورتونو برابرول ددغه ستر چیلنج او مشکل برخې دي .
له بل پلوه تر دې دمه له کوویډ-۱۹ډوله ناروغۍ له خطرې د ژغورنې لپاره هیڅ مشخص وخت نه دی اټکل شوی . له دې امله تر ټولو مهم کار، د ناروغانو د معلوملو او قرنطینه کولو او د ناروغۍ د منتقلونکي کړۍ دغوڅولو د چټکتیا لپاره هڅه ده .
ددغه منحوس ویروس وجود او شتون لامل شوی څو په بیلابیلو هیوادونو کې پوهان او څيړاند په دې زمینې کې د څيړنو لپاره پراخې هڅې پیل کړي . د نیّنو ماسکونو له تولید رانیولې ، د کوویډ ۱۹ډوله ناروغۍ یا دهماغه کرونا ویروس دو اکسن د تولید لپاره تر څیړنو پورې هڅې ، هغه فعالیتونه دي [ې ایرانیو څيړاندو او پوهانو په دې زمینې کې ترسره کړي دي . په دې زمینې کې ایرانیو پوهانو په نزدې وخت کې د یوې ښه ځيري خبره هم کړې ده.
په دغه شان شرائطو کې د طبي اطلاعاتو مبادله د نړۍ لپاره ډير ا همیّت لري او ایران تیار دی ، د کرونائي بحران په زمینې کې طبي بریاوې اوتجروبې د نړۍ نورو هیوادونو ته منتقلې کړي . په دې لاره کې ډيرو هیوادونو پخپلو کې سره مرستې کړي دي ، خو په دې نړیوال چیلنج کې ، امریکا یوازینی هیواد دی ، چې دایران په ضد حتی د روغتیاد نړیوالې ادارې په ضد ئې پخپلو بندیزونو سره دنیا ته ښودلې ده چې له انساني ارزښتونو اومعیارونو ورځ تر بلې لا پسې لیرې کیږي .
