امریکادنړیوالې ایټمی موافقې داجراپه وړاندې خنډونه جوړوي
امریکا ادعا کوي ،چې تر دې دمه له حقوقي پلوه په نړیوالې ایټمي موافقې کې دګډون کونکي یوه حکومت په توګه شتون لري ، خو په اصل کې دغه پلان د ایران په ضد دملګروملتو د هغو بندیزونو دبیرته ستنولو لپاره یو پلان دی ، چې د ۲۰۱۵ کال د جامعې نړیوالې ایتمي موافقې وروسته لغوه شوي دي .
زمونږخبریال راپور راکړ د اسلامی ایران خارجه وزیر محمد جواد ظریف بیګا د روسیې له خارجه وزیر سرګئ لاؤروف سره د جامعې نړیوالې ایټمي موافقې په باب د امریکا د یوه نوي او وروستي پلان په باب سره خبرې اترې کړي دي .
نیویارک ټایمز ورځپاڼې پخپل یوه وروستي راپور کې د ایران په ضدد وسلو دبندیزونو دتمدید لپاره چې ټاکل شوې ده د جامعې نړیوالې ایټمي موافقې په اساس دروان کال د اکتوبر له اولسمې نیټې لغوه شي ، دامریکائي حکومت له چلول او دوکې پرده پورته کړې ده .
دغې ورځپاڼې پخپل وروستي راپور کې وئيلی دي ، دامریکا خارجه وزیر مایک پمپئو یو پلان برابر کړی ، چې په اساس ئې امریکا ادعا کوي ،چې تر دې دمه له حقوقي پلوه په نړیوالې ایټمي موافقې کې دګډون کونکي یوه حکومت په توګه شتون لري ، خو په اصل کې دغه پلان د ایران په ضد دملګروملتو د هغو بندیزونو دبیرته ستنولو لپاره یو پلان دی ، چې د ۲۰۱۵ کال د جامعې نړیوالې ایتمي موافقې وروسته لغوه شوي دي .
داسلامی ایران او روسیې خارجه وزیرانو پرون د جامعې نړیوالې ایټمي موافقې په باب دامریکا د نوي توهم څخه د ډکې دسیسې او پلان په باب مشورې کړي او دائې یو غیر عملي او رد شوی کار بللی دی . جواد ظریف او لاؤروف همداراز په افغانستان کې د سیاسی بدلونونو او په دغه هیواد کې دسیاسی تفاهم او پخلاینې لپاره هم د هلوځلو په باب د نظر تبادله او مشورې کړي دي.
