ولسمشر روحاني:
ايران له کورونا سره په مقابله او مديريت کښې بريالے دے
د ايران د اسلامي جمهوريت ولسمشر وويل، له کورونا بيمارۍ سره په مقابلې او د هغې په مديريت کښې د ايران شمېرنې له نورو هېوادونو سره په پرتله کښې په دې زمينه کښې د کاميابۍ ښودنه کوي.
ولسمشر حسن روحاني نن په ايلام صوبه کښې د ځواک او د کرهڼيز جهاد وزارتخانو له ملي طرحو څخه د ګټې اوچتولو په مراسمو کښې چې د ويډيو کانفرنس له لارې ترسره شول وويل: د ايران اسلامي جمهوريت له کورونا وائرسو سره چې ټوله نړۍ ورسره ښکېله ده په مقابله کښې يو مناسب حالت لري.
هغه همدارنګ د دې په بيانولو سره چې هېواد د خوراکي موادو او ځينو بنيادي سامونونو په پوره کولو کښې خودکفائۍ ته رسېدلے دے زياته کړه: ايران په پرله پسې پنځو کلونو کښې د غنمو په توليد کښې خودکفا شوے دے چې دې مهم ډېره کمه مخينه لرلې ده.
نن د ايران د اسلامي جمهوريت د ولسمشر په حکم سره د ايران په ايلام صوبه کښې د کرهڼې د جهاد د وزارت د آبادونې او توليد يو سل درويشتو منصوبو ګټه اوچتونه او اجرا شروع شوه.
