که امریکا رښتیا وايي نو بایکاټونه دې پاې ته ورسوي
زمونږ خبریال وايي د اسلامي ایران ولسمشر حسن روحاني له کورونا ویروس سره د مقابلې لپاره له ایران سره د مرستې لپاره د واشنګټن د مرستو په هکله د امریکا د ولسمشر ټرمپ ادعا ته په غبرګون کښې وویل که چیرې امریکا رښتیا وايي یوازنۍ لاره دا ده چې د ایران پرضد غیر قانوني بایکاټونه پاې ته ورسوي .
د ایران ولسمشر حسن روحاني نن د جاپان له لومړي وزیر شینزو ابه سره په ټیلي فوني خبرو کښې له کورونا ویروس سره په مقابلې کښې له تهران سره د دوستانه مرستو په خاطر د ټوکیو له حکومت څخه په قدرونې سره وویل له کورونا ویروس سره د مبارزې او دغه راز د دغه بندیزونو د سختو اقتصادي پایلو په شرایطو کښې د ایران د ملت پرضد د امریکا غیرقانوني بایکاټونه زیات شوي دي .
د ایران ولسمشر حسن روحاني په دې خبرې سره چې له کورونا ویروس څخه د ژغورنې لپاره د ټولو هیوادونو له ملګرتیا پرته بله لاره نشته وویل د امریکا د بشر ضد او ظالمانه بایکاټونو په زیاتیدا سره د ایران ملت او حکومت د طبي تجهیزاتو او د خوراکي شیانو د تامینولو په زمینه کښې له زیاتو مشکلاتو سره مخ شوي دي .
هغه په سیمه او نړۍ کښې د تاوتریخوالي د کمولو لپاره د هڅو د دوام په ضرورت ټینګار سره وویل په تیرو اونیو کښې دامریکا اقدامات په عراق او فارس خلیج سیمه کښې د تاوتریخوالو د زیاتیدا سبب شوي دي .
