ایران کښې په کرونا د ککړو ټولو بهرنیو ښاریزو وړیا درملنه کیږي
د افغانستان د بهرنیو چارو وزارت تراوسه څو ځلې د ایران د دغو انساندوستانه او اغیزناکو اقداماتو قدرونه کړې ده.
د ایران د کورنیو چارو د وزارت د بهرنیو ښاریزو او مهاجرینو لوې مدیر د کرونا ناروغۍ د کنټرولولو په لړ کښې افغانستاني ښاریزو ته د ایران د خدماتو او اقداماتو په وضاحت سره وویل: په کرونا د ککړو ټولو بهرنيو ښاریز د ایران په روغتونونو کښې په وړیا توګه درملنه کیږي.
مهدي محمودي پرون د ټولو ښاریزو د عامه سلامتیا د ساتنې په موخه د مرستو په دوام باندې په ټینګار سره څرګنده کړه: د ایران د اسلامی جمهوریت سیاست ایراني او په ایران کښې استوګنو بهرنیو ښاریزو ته د روغتیايي خدماتو په وړاندې کولو کښې د هرډول توکمپالنې مخنیوی دی.
محمودي په ایران کښې د ټولو بهرنیو ښاریزو د تبې ټیسټ ته په اشارې سره زیاته کړه چې تراوسه کابو شپږو زرو بهرنیو کورنیو ته د شخصي حفاظت کیټونه ورکړی شوې دي چې په کښې ماسکونه، عینک، دستانې او آیزولیشن کالي او د صابني مایع، ضد عفوني کونکي ژل او درمل او نقدې او معیشتي مرستې شاملې دي.
د افغانستان د بهرنیو چارو وزارت تراوسه څو ځلې د ایران د دغو انساندوستانه او اغیزناکو اقداماتو قدرونه کړې ده.
