اسلامي ایران پاکستان ته طبي تجهیزات ډالۍ کړل

ایرنا خبري اژانس وايي د ایران ډالۍ شوي طبي تجهیزات چې د کورونا ویروس د تشخیص په سلګونو کیټونه پکښې شامل دي په کراچۍ ښار کښې د ایران د اسلامي جمهوریت د سرکنسول لخوا د پاکستان د هلال احمر موسسې د صوبې مشرې ته وسپارل شول .

د ایران سرکنسول احمد محمدي پرون د پاکستان دسیند صوبې د هلال احمر له مشرې شهناز حمید سره په کتنې کښې د  سیند صوبې له هلال احمر سره د ایران د اسلامي جمهوریت د هلال احمر د ملګرتیاو د زیاتیدا په هکله خبرې وکړې .

په دغه کتنې کښې چې د پاکستان د سیند صوبې د هلال احمر په مرکزي دفتر کښې وشوه دواړو خواو په خپلو هیوادونو کښې د کورونا ویروس د خپریدا د حالت په هکله غور وکړ .