اسلامي ایران د فلسطین د خلکو ملاتړ کوي
زمونږ خبریال وايي د ایران د بهرنیو چارو وزارت وویل د پیړۍ د معاملې په شمول هر ډول لاره چاره چې د فلسطین د ملت غوښتنو ته پام ونکړي باطله ده .
د ایران د باندنیو چارو وزارت پرون په ټویټر اینټرنیټ پاڼې کښې د صبرا او د شتیلا د عام وژلې د کلیزې په مناسبت ولیکل د صبرا او د شتیلا د کیمپونو عام وژله د نکبت د ورځې نتیجه وه او د پیړۍ معامله هم دوهمه (۲) نکبت ورځ ده چې د فلسطین د ټاټوبو په دائمي ډول د نیولو هدف تعقیبوي .
د صهیونیسټ رژیم عسکرو د نولس سوه دوه اتیایم (۱۹۸۲) میلادي کال د سپتمبر د میاشتې له شپاړسمې (۱۶) تر اتلسمې (۱۸) نیټې پورې په لبنان کښې د صبرا او د شتیلا فلسطیني کیمپونو په زرګونو وسیدونکي په ډیر بوږنونکي ډول وژلي وو .
اریل شارون چې هغه وخت د صیهونیسټ رژیم د جنګ وزیر او د لبنان د نیواکي سیمو قومندان و د فلسطین دخلکو په دغه وژلې کښې اصلي رول پرغاړه درلود .
د نکبت ورځ د فلسطین د سلګونو زرو خلکو له خپل ټاټوبي څخه د شړلو او د نولس سوه اته څلویښتم (۱۹۴۸) میلادي کال د مي د میاشتې په څوارلسمه (۱۴) نیټه د صهیونیسټ رژيم د موجودیت د اعلان او د فلسطینیانو او د فلسطین د ملاتړو خلکو لپاره د ویر ورځ ده .
