د فرانسې ځوانانو ته د اسلامي انقلاب د معظم رهبر پېغام
د اسلامي انقلاب معظم رهبر د پېغمبراکرم (ص) په شان کښې د فرانسې د ولسمشر مېکرون له سپکاوي وروسته د دغه هېواد د ځوانانو په نامه يو پېغام جاري کړ.
د فرانسې ځوانانو ته د اسلامي انقلاب د معظم رهبر حضرت آيت الله العظمي سيدعلي خامنه اي په پېغام کښې چې پرون د فرانسوي ژبه په سوشل ميډيا کښې خپور شو راغلي دي: خپل ولسمشر مو وپوښتئ چې ولې د خداے دګران پېغمبر حضرت محمد مصطفی (ص) په شان کښې له سپکاوي ملاتړ کوي او ورته د بيان د آزادۍ نوم ورکوي؟ آيا د بيان د آزادۍ معنا بدې ردې او توهين دے او هغه هم د ترټولو ځلانده او مقدس شخصيت؟ آيا دا احمقانه کار د هغه ملت د شعور چې دې يې د ولسمشرۍ لپاره غوره کړے دے سپکاوے نه دے؟
معظم رهبر د دغه پېغام په دوام کښې زياته کړه، بله پوښتنه دا ده چې ولې په هولو کاسټ کښې شک کول جرم دے؟ او که څوک په دې اړه څه وليکي نو جېل ته بوتلل کيږي، د يو پېغمبر سپکاوے آزاد دے؟
