سیمه کښې د امریکا شتون د ناامنۍ سبب دی
زمونږ خبریال وايي د ایران د ملي امنیت د لوړې شورا سیکرټر علي شمخاني په دې خبرې باندې ټینګار سره چې د عراق د خلکو د ارادې او د امنیت ملاتړ د تهران پایداره سیاست دی وویل د ایران او د عراق دفاعي او امنیتي ملګرتیاوې د ثبات او د امنیت تضمینونکي دي .
د ایران د ملي امنیت د لوړې شورا سیکرټر علي شمخاني نن په تهران کښې د عراق له دفاع وزیر جمعه عناد سعدون سره په کتنې کښې په سیمه کښې د امریکا او د هغې د ملګرو لخوا له منظمې شوي ترهګرۍ سره په مبارزې کښې د دواړو هیوادونو ښو او اغیز شیندونکو دفاعي او امنیتي ملګرتیاو او د داعش له نیواک څخه د عراق د ښارونو د ژغورلو لپاره د ایران بې دریغه ملاتړونو ته په اشارې سره وویل دغه ملګرتیاوې د سیمې د امنیت او د ثبات تضیمنونکي دي او هغه باید تر ستراتيژیکو سویو پورې لوړې او سیسټاماټیکې شي .
شمخاني په دې خبرې سره چې په لویدیځې اسیا کښې له شتون څخه د امریکا یو(۱) اعلان شوی هدف د سیمې دهیوادونو ترمینځ د اختلاف او دجنګونو رامینځته کول دي له دغه سپیرې دسیسې سره د مقابلې لپاره یې د سیمې د ټولو هیوادونو د هوښیارۍ پرضرورت ټینګار وکړ .
د عراق دفاع وزیر جمعه عناد سعدون هم له عراق څخه د ترهګرۍ د شر په ختمولو کښې د ایران د اسلامي جمهوریت د هراړخیزه مرستو او د ملاتړ په قدرونې سره په پوځي او امنیتي حوزو کښې د دواړو هیوادونو د اړیکو په پیاوړتيا او پراختیا ټینګار وکړ .
