د ایران د سیستان بلوچستان په استان کې ټروریستي چاودنه شوې
د اسلامي انقلاب د سپاه پاسداران د قدس ځواکونو قرارګاه د سیستان او بلوچستان په استان کې له یوې ترهګریزي چاودنې خبر ورکړ چي د امله یې یو تن وژل شوی دی.
د اسلامي انقلاب د سپاه پاسداران د قدس ځواکونو قرارګاه نن د یوې خبرپاڼې په صادرولو سره د ساروان ولسوالۍ په ښار کې له یوې چاودنې خبر ورکړ چي د امله یې یو تن وژل شوی او درې تنه ټپیان شوي دي.
په خبرپاڼه کې راغلې: نړیوال استکبار پوري اړوندي ترهګري ډلګۍ د سراوان ښار په چوک کې د یوې ړندې تروریستي چاودنې په مټ څلورو عامو لارویانو ته مرګژوبله اړولې ده.
په یاده چاودنه کې یو تن ملکي وګړی وژل شوی او د یوې ښځې په ګډون درې تنه ټپیان شوي دي.
سراوان ولسوالۍ د سیستان او بلوچستان له مرکز زاهدان څخه ۳۴۳ کیلو مټره لیري واقع شوې ده چي د پاکستان له باډر سره اړخ لګوي.
د جیش الظلم ترهګري ډلي ۲۰ ورځې مخکې هم په سراوان کې د اسلامي انقلاب د سپاه پاسداران په اینجنرانو برید کړی و چي د امله یې یو تن ټپي شوی و او یو تن بیا لادرکه شوی دی.
