د نطنز په اټومي مرکز کښې د یورانیمو پخول دوام لري
زمونږ خبریال وايي د ایران د اټومي انرژۍ ادارې وویل د نطنز اټومي مرکز به په ډير سرعت سره د خپلو ټاکل شویو هدفونو په لور حرکت وکړي .
د اټومي انرژۍ ادارې په خپل پیغام کښې وویل بایکاټ ، د اټومي ساینس پوهانو ټرور ، د نطنز د سانټري فیوژونو د جوړولو د هال ورانول او په دغو تاسیساتو باندې وروستی اینټرنیټي برید یوازې د اسلامي ایران د دوښمانانو ناکامۍ نندرې ته وړاندې کوي او د ایران د اټومي صنعت ساینس پوهانو دغه ټول ناوړه اقدامات په ناهیلي بدل کړي دي .
د ایران د اټومي انرژۍ د ادارې مشر علي اکبر صالحي هم په نطنز اټومي مرکز کښې د یورانیمو د پخولو د دوام خبر ورکړ .
هغه وویل د شپیتو(۶۰) فیصدو په اندازه د یورانیمو د پخولو لپاره د ایران اقدام د بایکاټونو د ختمیدا لپاره د اسلامي شورا د سټراټیژیک اقدام د قانون پراساس دی .
د ایران د ولسمشر د دفتر مشر محمود واعظي وویل د شپیتو (۶۰) فیصدو په اندازه د یورانیمو د پخولو په بحث کښې طبیعي خبره ده چې د ایران د اټومي فعالیتونو موضوع سوله ییزه ده .
