د عربي اتحادیي لاسوهونکو ویناو ته د ایران غبرګون
د ایران د بهرنیو چارو د وزارت ویاند عربي اتحادیې او د فارس خلیج شورا ته سپارښتنه وکړه چي د صهیونیستي رژیم سره په ږغملتیا د ایران په وړاندې د دوامداره ادعاګانو پر ځای د دې رژیم غیرقانوني ایټمي فعالیتونو ته پاملرنه وکړي.
د ایران د اسلامي جمهوریت د بهرنیو چارو د وزارت ویاند سعید خطیب زاده د عربي اتحادیې او د فارس خلیح شورا ادعاګانو ته په غبرګون کې د ځینو هیوادونو تخریبي رول لوبونې ته په اشارې سره ټینګار وکړ: داسي غیرمسئولانه ادعاوي د ایران په ضد د پروپاګنداو په دوام کې مطرح کیږي چي موخه یې ګډون نه بلکي په ویانا کې د روانو مذاکراتو تخریب دی.
خطیب زاده زیاته کړه: د دغو ادارو مشران دي پوه شي چی ایران د نړیوالي ایټمي ایجنسۍ غړیتوب لري او ټول فعالیتونه یې د یادي ادارې له خوا څېړل کیږي، بې له شکه به د ایران سوله ایز ایټمي فعالیتونه به د هیواد د ملي ګټو په لړ کې دوام وموندي.
هغه د عربي هیوادونو مشرانو ته سپارښتنه وکړه چي د سیمي د ثبات او امنیت ته د صهیونیستي رژیم د سلګونو ایټمي وسلو ګواښ ته پاملرنه وکړي.
د فارس خلیج د شورا مشر نایف فلاح مبارک الحجرف د چهار شنبې په ورځ د امریکې، فرانسې، جرمني، روسیې، برتانیې او چین بهرنیو چارو وزیرانو ته د یو لیک په استولو سره د برجام نړیوالي موافقې په مذاکراتو کې د عربي هیوادونو په ګډون باندې ټینګار وکړ.
