ایران په سوریه کې له زلزله ځپلو سره بشردوستانه مرستې کوي/۱۳۰۰ کسانو ژوند له لاسه ورکړي
د ایران خارجه وزیر د سوریې له خارجه وزیر سره په تماس کې، د ایران د حکومت او د ولس د غمشریکي په څرګندولو سره، د بشردوستانه مرستو لپاره چمتووالې وښوده.
د سي بي اس په حواله، د دوشنبې د شپې په زلزله کې د ترکیې پرته په سوریې کې هم کابو یو زر او درې سوه تنه خپل ژوند له لاسه ورکړي او دوه نیم زره کسانو هم ژوبل شوي دي.
د ایران خارجه وزیر حسین امیر عبداللهیان د سوریې د بهرنیو چارو له وزیر فیصل مقداد سره په تماس کې، د خواخوږي د څرګندولو په ترڅ کې وویل چي ایران د سوریې له زلزله ځپلو سره د مرستو لپاره تیار دی.
فیصل مقداد د ایران او سوریې ولسونه د یو بل وړونه وباله چي په غم او ښادی کې سره شریکان دي.
یاده زلزله اکثره د سوریې د حلب ولایت، لاذقیې، ادلب او حماه په شمول ترکیې سره نژدې سیمې لرزولي دي، عبداللهیان په حلب کې د ایران له کنسولر سره په تماس کې د هغوی د سلامتیا په هکله ډاډ تر لاسه کړه او سوریې ته د مرستندویو ټیمونو د لېږدولو د بهیر د ګړندیتوب په ضرورت تاکید وکړ.