د پاکستان سفیر کابل ته ستون شو
Aug 19, 2021 03:02 Asia/Kabul
د پاکستان د کورنیو چارو وزیر وویل چې د اسلام آباد سفیر د تورخم له سرحدي لارې څخه په افغانستان کښې د خپل کار دفتر ته ستون شوی دی.
د پاکستان د کورنیو چارو وزیر وویل چې د اسلام آباد سفیر د تورخم له سرحدي لارې څخه په افغانستان کښې د خپل کار دفتر ته ستون شوی دی.
شیخ رشید احمد وویل چې د افغانستان لپاره د پاکستان سفیر منصور احمد خان د دواړو هیوادونو ترمینځ د شخړې له زیاتیدو وروسته د جولایۍ په ۱۹ نیټه له کابل څخه پاکستان ته ستون شوی و.
هغه زیاته کړه چې دا اقدام پس له هغې وشه چې د محمد اشرف غني حکومت په اسلام آباد کښې د افغانستان د سفیر د لور په تښتولو کښې د اسلام آباد د لاس لرلو په تور، خپل سفیر بیرته وباله.
شیخ رشید احمد په رسمیت د طالبانو د پیژندلو په هکله هم وویل چې په دې هکله فیصله به وزیراعظم عمران خان او د بهرنیو چارو وزارت کوي.
ټیګونه
