پاکستان له طالبانو څخه د ملاتړ تور رد کړی
د امریکې د یو شمېر جمهوری پالو سناټورانو له لوري په پاکستان باندې له طالبانو د فوځي ملاتړ تور لګول شي چي د پاکستان د بهرنیو چارو د وزارت سخت غبرګون یې پارولی دی.
د امریکې د کانګرس ۲۲ تنه جمهوري پال سناټوران په یوه مسوده کې په طالبانو او له دغه ډلي په ملاتړو هیوادونو منجمله پاکستان باندې د سختو بندیزونو د لګولو غوښتنه کړې ده.
د پاکستان د بهرنیو چارو د وزارت ویاند عاصم افتخار په یوه بیانیه کې وویل: د امریکایي سناټورانو له لوري د پاکستان د نوم یادونه یوه بې اساسه اقدام دی، د افغانستان د مسالې په حل کې به فشار کارنده واقع نه شي.
د پاکستان د کورنیو چارو وزیر هم د امریکایي سناټورانو تورونه رد کړي او ویلي چي اسلام آباد له طالبانو هیڅ ډول فوځي ملاتړ نه دی کړی، اسلام آباد له طالبانو سره د نړیوالي ټولنې د تعامل غوښتونکی دی تر څو په افغانستان کې سوله او ثبات راشي.
د کارپوهانو په وېنا امریکا غواړي له دې لاري په پاکستان او په طالبانو باندې فشار راولي، دا ښیي چي د امریکې او د پاکستان اړیکې په سازوباز ولاړي دي.
