پاکستان د افغانستان له خاورې په حملو نیوکه وکړه
زمونږ خبریال وايي د پاکستان د بهرنیو چارو وزارت نن په پاکستان کښې د ترهګرو اقداماتو د ترسره کولو لپاره د افغانستان د خاورې کاریدل په کلکه وغندل او د افغانستان په حکومت یې غږ وکړ چې د دوو (۲)وروڼو هیوادونو د پرمختګ او د سولې په خاطر د دا ډول عناصرو پرضد سخت اقدام ترسره کړي .
د پاکستان خارجه وزارت نن په یوې بیانیې کښې دغه خبره تکرار کړه چې اسلام اباد له تیرو میاشتو راهسې بیا بیا د افغانستان له حکومته غوښتي دي چې د افغانستان او د پاکستان په سرحدي سیمه کښې امنیت ټینګ کړي .
د پاکستان خارجه وزارت وویل ترهګر د افغانستان خاوره په مصونیت سره په پاکستان کښې د ترهګرو اقداماتو د ترسره کولو لپاره استعمالوي .
د پاکستان خارجه وزارت وویل له بده مرغه په سرحدي سیمه کښې د تحریک طالبان پاکستان ډلې غړي د پاکستان په سرحد کښې په امنیتي پوستو بریدونه کوي او له کبله یې تراوسه د پاکستان ډير عسکر وژل شوي هم دي .
د اپریل په څوارلسمه(۱۴) نیټه هم په شمالي وزیرستان کښې د ترهګرو په برید کښې د پاکستان اته(۸) پوځيان وژل شوي وو .
