پاکستان له طالبانو سره د نړیوال تعامل پر دوام ټینګار وکړ
د پاکستان د بهرنیو چارو وزارت ویلي، چې د افغانستان لپاره د امریکا ځانګړي استازي توماس ویسټ په افغانستان کې د سولې او ثبات لپاره د پاکستان هڅې ستایلې او د افغانانو په ایستلو کې یې اسانتیاوې برابرې کړې دي.
د پاکستان د بهرنیو چارو وزیر بلاول بوټو زرداري د افغانستان په چارو کې د امریکا له ځانګړي استازي توماس ویسټ سره په کتنه کې له طالبانو سره د نړیوال تعامل پر دوام ټینګار وکړ او ویې ویل چې هېواد به یې د سولې د ټینګښت لپاره هڅې پراخې کړي. د ټرایکا میکانیزم له لارې د افغانستان په اړه سیمه ایز اجماع ورکړل شي.
افغان غږ خبری آژانس وایی د پاکستان د بهرنیو چارو وزارت د خبرپاڼې له مخې، بلاول بوټو زرداري په نیویارک کې له توماس ویسټ سره خبرې کړې دي.
د پاکستان د بهرنیو چارو وزارت ویلي، چې د افغانستان لپاره د امریکا ځانګړي استازي توماس ویسټ په افغانستان کې د سولې او ثبات لپاره د پاکستان هڅې ستایلې او د افغانانو په ایستلو کې یې اسانتیاوې برابرې کړې دي.
دواړو لورو د پرله پسې هڅو د ګډو موخو او د نړیوالې ټولنې د ونډې په اړه د همکارۍ د دوام اړتیا ومنله چې "د افغانانو درد او کړاو کم کړي او سیمه ییزې سولې او ثبات ته وده ورکړي"
