پرویزمشرف له اوږدې ناروغۍ وروسته وفات شو
Feb 05, 2023 11:36 Asia/Kabul
پرویزمشرف د دوبۍ په يوه روغتون کې په ۷۹ کلنۍ کې وفات شوی دې .
د پاکستان پخوانی ولسمشر جنرال پرويز مشرف د متحده عربي اماراتو په يوه روغتون کې له اوږدې ناروغۍ وروسته وفات شو.
زمونږ خبریال د پاکستاني رسندویو له قوله راپور راکوي دپرویزمشرف د دوبۍ په يوه روغتون کې په ۷۹ کلنۍ کې وفات شوی دې .
هغه په وروستيو کلونو کې له سختو ناروغيو ځوريده.
پرویزمشرف د ۱۹۹۹ د اکتوبر په دولسمه، د پاکستان د پوځ د مشر په توګه پر لومړی وزیر نواز شریف کودتا وکړه او تر ۹ کلونو د دغه هېواد ولسمشر وو.
ویل کیږي چی پرویز مشرف په آمیلوئیدوز ناروغۍ اخته وو .
پرویز مشرف د پاکستان د سترې محکمې په حکم د ۲۰۱۶ میلادی کال د مارچ په ۱۸ نیټه د درملنې لپاره دوبی ته ولاړ او بیا هیڅله بیرته ستون نشو .