عمران خان شنبې ورځې په اسلام اباد کې عدالت ته حاضریږي
وئيل کیږی چې په پاکستان کې سیاسی دنګل تردې دحده رسیدلی چې اوس څوک د عدالت او محکمې فیصلو منلو ته هم تیار نه دي او ورباندې په اعتراضونو کې واټونو ته راووځي او اړئ ګړئ جوړوي،چې دا ټول ددغه هیواد سیاسی راتلونکي د تورتم زیاتیدا ښئ
د اسلام آباد یو ې محکمې د پاکستان د پخواني لومړی وزیر عمران خان په ضد د ملی خزانې څ څخه دناسمې استفادې په تور د هغه دنیولو فرمان صادر کړی دی، چې له څو ورځو راهسې د هغه د نیول کیدا په باب د لاهور په زمان پارک کې د پولیسو او دعمران خان دپلویانو ترمینځ چې د عمران کور مخې ته غونډ شوي دي ،اخ وډب روان دی ،البته خبرو سرچینو وئيلي چې عمران ممکنه ده سبا شنبې ورځې په اسلام اباد کې د یوې محکمې ته د حاضریدو لپاره پلازمینې ته لاړ شي.
زمونږ خبریال د جنګ نیوز له قوله راپور راکړ، د پاکستان دتحریک انصاف ګوند وکیل اظهر صدیق نن په یولړ څرګنددونو کې ووئيل، عمران خان به نه یوازې دشنبې په ورځې په اسلام اباد کې محکمې ته حاضر شي ، بلکې په زیات احتمال سر ه به نن هم شاید دپنجاب صوبې د لاهور هائي کورټ په عدالت کې حاضر شي.
د پاکستان پخواني خارجه وزیر شاه محمود قریشي په دې باب وئیلي هغه د عمران خان د امنیت په باب د تورونو دلیرې کولو په باب د پنجاب صوبې له لوي څارنوال سره په یوې ناستې کې خبرې کړي دي.
باید ووئیل شي ، داسلام اباد د یوې محکمې قاضي ظفر اقبال د توشه خانې په دوسیې کې د عمران خان د نیول کیدا د فیصلې د ځنډولو غوښته رد کړې او په یوه حکم صادرولو سره ئې د نیولو فیصله او محکمې ته د عمران خان دلیږلو فلیصله تائيد کړې ده .
وئيل کیږی چې په پاکستان کې سیاسی دنګل تردې دحده رسیدلی چې اوس څوک د عدالت او محکمې فیصلو منلو ته هم تیار نه دي او ورباندې په اعتراضونو کې واټونو ته راووځي او اړئ ګړئ جوړوي،چې دا ټول ددغه هیواد سیاسی راتلونکي د تورتم زیاتیدا ښئ
