پاکستان ته د روسیې د تیلو لومړۍ چوپه رسیدلې

د پاکستان لومړي وزیر شهباز شریف ویلي چې د روسیې سره یې د تړون له مخې د دغه هېواد د خامو تیلو لومړۍ چوپه کراچۍ ته را رسیدلې.

د پاکستان لومړي وزیر شهباز شریف ویلي چې د روسیې سره یې د تړون له مخې د دغه هېواد د خامو تیلو لومړۍ چوپه کراچۍ ته را رسیدلې.

نوموړي د یوه ټویټ په کولو سره د روسیې د یاد ګام هرکلی کړی.

د رویټرز خبري اژانس د راپور له مخې په تخفیف سره پاکستان ته د روسیې له‌خوا تېل ورکول له اقتصادي پلوه له اسلام‌اباد سره مرسته کوي.

پاکستان دا مهال له اقتصادي پلوه بدې ورځې ګالي ځکه چې د پورونو د ورکړې له ناورین سره مخامخ دی.