پاکستانيان دفلسطيني ملت په ملاتړکی خپلو مظاهروته دوام ورکوي
د پاکستان د وحدت مسلمین ګوند مشر علامه ناصر عباس جعفری د مظاهرې د مرکزی ویناوال په توګه وویل: اسرائیل یو غیرقانونی او جعلی رژیم دی او مونږ به هیڅکله له صهیونیسټانو سره د جوړجاړی دسیسې او حل لارې ته غاړه کینږدو.
د پاکستان مسلمانانو یو ځل بیا په غزه کښې د صهیونیسټی رژیم د جنایتونو په خلاف مظاهرې وکړې او په دغه مظاهرو کښې د پاکستان خلکو د فلسطین له خلکو سره د پیوستون په اعلانولو او په غزه کښې د دایمی اوربند غوښتنه وکړه او د امریکا او د اسراییلو د نیواکګر رژیم بیرغونه یې وسوځول.
د ایرنا د راپور له مخې د پاکستان د مسلمانانو د فلسطین د مقاومت د محور د پلویانو پاڅون د اتمې اونۍ لپاره هم دوام لری او په همدې لړ کښې د پاکستان د خیبر پښتونخوا صوبې په کچه پخه سیمه کښې د صهیونیسټی رژیم او امریکا پر ضد مظاهرې وشوې.
دغه لاریون د پاکستان وحدت مسلمین ګوند له خوا تنظیم شوی و او د سیاسي فعالانو، مذهبي شخصیتونو او عالمانو په ګډون د ژوند له بېلابېلو څانګو زرګونه کسانو ګډون کړی و او ګډونوالو مرګ پر اسرائیل او مرګ پر امریکا نارې وهلې.
د پاکستان د وحدت مسلمین ګوند مشر علامه ناصر عباس جعفری د مظاهرې د مرکزی ویناوال په توګه وویل: اسرائیل یو غیرقانونی او جعلی رژیم دی او مونږ به هیڅکله له صهیونیسټانو سره د جوړجاړی دسیسې او حل لارې ته غاړه کینږدو.
هغه زیاته کړه: په وروستیوکښې د امریکا په شمول د اسرائیلو او د هغوی جنایتکاره ملاتړې له ناکامۍ او دسیسو پرته بل څه نه دی او د فلسطینیانو عملیاتو د صهیونیسټانو او د هغوی د ملاتړو تسلط مات کړ.
د غزې د روغتیا د وزارت ویاند "اشرف القدره" اعلان وکړ چې د جمعې له ورځې راهیسې په غزې باندې د صهیونیسټانو د تیریو له پیله تراوسه ۱۹۳ فلسطینیان شهیدان شوي او ۶۰۰ نور ژوبل شوي دي.
د صهیونیسټ رژیم د تیریو د قربانیانو ۷۰ فیصده ماشومان او ښځې دي.