پاکستان د ترهګرۍ په اړه د امریکا راپور رد کړ
ممتاز زهرا بلوچ زیاته کړه چې اسلام اباد د یوه خپلواکه هیواد په توګه له خپلو مسولیتونو خبر دی او د ترهګرۍ په اړه د امریکا په راپور کې شوې ادعا ردوي.
پاکستان د ترهګرۍ په اړه د امریکا د بهرنیو چارو وزارت په کلني راپور د خواشینۍ په څرګندولو سره د اسلام اباد پر ضد د واشنګټن ادعاوې د حقایقو پر ضد بللي دي.
د پاکستان د بهرنیو چارو د وزارت ویاندې مېرمن زهرا ممتاز بلوچ په اسلام اباد کې په خپل اونیزه خبري غونډه کې په دې خواشیني څرګنده کړه چې له ترهګرۍ سره د مبارزې او د ترهګرو د مالي تمویل په مخنیوي کې د دغه هېواد رول له پامه غورځول شوی دی.
ممتاز زهرا بلوچ زیاته کړه چې اسلام اباد د یوه خپلواکه هیواد په توګه له خپلو مسولیتونو خبر دی او د ترهګرۍ په اړه د امریکا په راپور کې شوې ادعا ردوي.
د ایرنا د خبر له مخې د پاکستان د بهرنیو چارو د وزارت ویاندی ټینګار وکړ: د امریکا په راپور کښې د نړیوالو ترهګرو شبکو په له مینځه وړلو کښې د پاکستان د رول په هکله هیڅ یادونه نه ده شوې، په داسې حال کښې چې د پاکستان له اتیا زرو زیاتو امنیتی ځواکونو او ملکیانو په دغو حملو کښې خپل ژوند له لاسه ورکړی دی. او مونږ ه په سلګونو میلیارد ډالره زیانونه زغملي دي.
د پاکستان لومړي وزیر تېر اوړي، د افغانستان د وضعیت او د سیمې د نورو هېوادونو لپاره په دغه هېواد کې د ترهګرۍ د خطرناکو پایلو په اړه د اندېښنې په څرګندولو سره، له افغانستانه د امریکايي ځواکونو او د ناټوغیر مسوولانه وتلو ته اشاره وکړه.
