پاکستان د طالبانو لخوا د ډیم جوړول دښمانه اقدام وباله
تسنیم خبري اژانس راپور راکړی د پاکستان د بلوچستان صوبې د اطلاعاتو وزیر «جان اچکزي» د کونړ سیند د پاسه د ډیم د جوړولو په هکله د افغانستان د طالبانو د حکومت فیصله د اسلام پرضد دښمانه اقدام وباله.
اوه(۷) ورځې مخکې د افغانستان د طالبانو د اوبو او د انرژۍ وزیر «عبدالطیف منصور» ویلي وو د هیواد په شمال ختیځ کښې د کونړ سیند د حوزې د اوبو د مدیریت د فني غور بهیر بشپړ شوی او زر د کونړ سیند د پاسه د ډیم د جوړولو کار پیلیږي.
خو د پاکستان د بلوچستان صوبې د اطلاعاتو وزیر جان اچکزي پرون د کونړ سیند د پاسه د ډیم د جوړولو لپاره د افغانستان د طالبانو ډلې فیصلې ته په غبرګون کښې وویل که چیرې د افغانستان طالبان پاکستان ته له پام کولو پرته د کونړ سیند د پاسه د ډیم جوړولو عملیات پیل کړي نو په احتمالي جنګونو او د تاوتریخوالو په زیاتولو کښې به بدې پایلې ولري.
هغه وویل د کونړ سیند د پاسه د ډیم جوړول به د پاکستان د سیند صوبې د اوبو په بهیر باندې د پام وړ اغیز ولري.
