شهباز شریف د پاکستان لومړی وزیر شو

زمونږ خبریال راپور راکړی د پاکستان د ملي پارلمان یعني د نیشنل اسمبلۍ مشر سردار ایاز صادق اعلان وکړ چې د مسلم لیګ د نوازشریف څانګې مشر شهباز شریف د یوسل دوه رایو له ترلاسه کولو وروسته د هیواد د څلرویشتم لومړي وزیر په توګه انتخاب شو.

د پاکستان د لومړي وزارت لپاره د تحریک انصاف ګوند کاندی عمر ایوب خان دوه نوي رایې ترلاسه کړې.

د پاکستان د بلوچستان نیشنل پاټې مشر اختر مینګل د لومړي وزارت انتخابات بایکاټ کړي دي.

بل خبر دا چې د پاکستان د تحریک انصاف ګوند ویندوی روف حسین وویل بیرسټر ګوهرخان د دغه ګوند د مشر په توګه ټاکل شوی دی.

دغه راز ویل کیږي چې د پاکستان د ولسمشرۍ لپاره هم د پیپلز ګوند مشر اصف علي زرداري کاندید دی او هغه به زر د نوي ولسمشر په توګه وټاکل شي.