په مختلفو زمینو کې د ایران او پاکستان د ملګرتیاؤ په پراختیاټينګاروشو
تهران ریډیو- په پاکستان کې د ایران د اسلامی جمهوریت سفیر په مختلفو زمینو کې د دواړو هیوادونو دملګرتیاؤ پر پراختیا ټينګار وکړ.
زمونږخبریال له اسلام اباده راپور راکړ په پاکستان کې د ایران سفیر رضا امیري مقدم ددغه هیواد دیوشمیر متفکرانو اوپوهانو په یوه سمینار کې چې د اسلام اباد سیمه ایزو مطالعاتو د اکاډمئ(IRS) په کوربتوب سره ترسره شو ،ووئيل؛ایران او پاکستان ګډو پولو او هغو پراخو ظرفیّتونو ته په پام سره چې لري ئې،د سیمې د امنیت او ثبات د لوړتیا او د مشترکو ګټو دتامینولو لپاره خپلې ملګرتیاوې پراخولی شي.
په پاکستان کې دایران سفیر ووئيل؛ ایران تل خپل بهرنی سیاست،د خپلو اسلامی اصولو او د له ګاونډیو هیوادونو په تیره بیا له پاکستان سره د متقابل احترام په اساس سسټماټيک کړی او له نړیوالو دباؤنو او بندیزونو سره سره ئې هیڅکله له خپلو اصولو شاتګ نه دی کړی او تل د مشترکو ګټو په لړ کې له مختلفو هیوادونو سره ملګرتیا ته تیار دی.
امیري مقدم له فلسطینه ملاتړ د ایران د بهرني سیاست د نه بدلیدونکو او اساسی اصولو برخه وبلله او وې وئيل؛د اسلامی هیوادونو ترمینځ د انسجام د رامینځةکولو او ددښمنانو له دسیسو سره د مقابلې لپاره د ایران هڅې توانیدلي دي ، د اسلامی هیوادونو ترمینځ اختلافات کم کړي او په سیمې کی یوه نوي همپالنه رامینځةکړي.
د اسلام اباد د سیمه ایزو مطالعاتو د اکاډمئ مشر جوهر سلیم هم پخپلې وینا کې په مختلفو حوزو کې د ایران او پاکستان متقابلو توانمنیو ته په اشارې سره ووئيل؛ دواړه هیوادونه د دوو اړخیزو اړیکو د پیاوړتیا لپاهر ډير ظرفیّتونه لری او ایران دپاکستان د انرژۍ په تامینولو کې اغیزشیندونکی رول لوبوي.
د پاکستان د مشرانو جرګې پخواني غړي او تکړه سیاستوال مشاهد حسین سید هم د ایران او پاکستان تاریخي او کلتوري مشترکاتو ته په اشارې سره ووئيل، فارسي ژبه ددغې سیمې یو پخوانی کلتوری عنصر دی او که انګریز دهند براعظم نه واي نیولی ، نو اوس به په پاکستان او هند کې هم فارسي ژبه دود وه.
