د ایران خارجه وزیر عباس عراقچي به زر هندوستان ته سفر وکړي

زمونږ خبریال راپور راکړی د هندوستان رسنیو ادعا وکړه چې د ایران د اسلامي جمهوریت خارجه وزیر عباس عراقچي نوي ډيلي ته سفر کوي.

د هندوستان رسنیو ادعا کړي ده چې د ایران خارجه وزیر راتلونکي اونۍ نوي ډیلي ته سفر کولای شي.

د هندوستان رسنیو زیاته کړه امکان شته چې د ایران د بهرنیو چارو وزیر سید عباس عراقچي د هندوستان د بهرنیو چارو له وزیر جی شنکر سره د نوي ډیلي تر کنټرول لاندې د کشمیر په پهلګام سیمه کښې د حملې په اړه خبرې وکړي.

څو ورځې وړاندې د ایران د اسلامي جمهوریت خارجه وزیر عباس عراقچي ویلي وو چې ایران د پاکستان او د هندوستان ترمینځ د روغې جوړې لپاره مینځګړیتوب ته تیار دی.

د ایران اسلامي جمهوریت په سیمه کښې امن او ثبات غواړي او په همدې خاطر یې د هندوستان او د پاکستان ترمینځ د شخړې د ختمولو غوښتنه کړي ده.